POP 5

Lajmet më të lexuara të 5 minutave të fundit

Media

Bllokimi i Memës, gazetarët
shqiptarë protestë para MPJ

Një grup gazetarësh shqiptarë dhe përfaqësues të Unionit të Gazetarëve të Shqipërisë protestuan sot përpara Ministrisë së Jashtme pas vendimit të autoriteteve greke për të mos lejuar hyrjen në vendin fqinj të gazetarit të Top Channel, Marin Mema.
Bllokimi i Memës, gazetarët <br />shqiptarë protestë para MPJ
TIRANE - Një grup gazetarësh shqiptarë dhe përfaqësues të Unionit të Gazetarëve të Shqipërisë protestuan sot përpara Ministrisë së Jashtme pas vendimit të autoriteteve greke për të mos lejuar hyrjen në vendin fqinj të gazetarit të Top Channel, Marin Mema.

Kreu i Unionit, Aleksandër Çipa, deklaroi se vendimi i Athinës lidhet ngushtë me profesionin e gazetarit dhe kjo shkel disa konventa dhe ligje respektove të dy vendeve.

"Ne jemi të interesuar, për të mësuar ndër të tjera, se përse një gazetar profesionist përfshihet në listën e personave që paraqesin rrezikshmëri për sigurinë kombëtare të shtetit fqinj. Nga ana tjetër ne jemi këtu për t'u interesuar edhe më tej, nëse në këtë listë që ekziston sipas autoriteteve greke, përfshihen të tjerë personalitete dhe përfaqësues të jetës publike, që janë profesionistë. Nëse shkaqet e shpalljes së tyre person 'non grata' janë vetëm ato që lidhen për arsye profesionale, në duam të dimë se cili është krimi që ata kryejnë", tha Çipa.

Përmes një letre zyrtare, gazetarët shqiptarë i kërkuan Ministrisë së Jashtme të Tiranës që të gjejë një zgjidhje dhe të mos mjaftohet me aktet formale. E njëjta letër i është dërguar edhe Presidentit të Republikës, Bujar Nishani dhe Kryeministrit Sali Berisha.

Para disa ditësh gazetari Mema nuk u lejua të kalonte kufirin mes Shqipërisë dhe Greqisë. Në atë rast, atij iu komunikua se ishte në listën e zezë të personave të padëshiruar në Greqi, me motivacion se përbënte rrezik për sigurinë e vendit fqinj.

(im/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

LIVE-Parada e Shqiptarëve në Tiranë, Report Tv sjell atmosferën e parapërgatitjeve

LIVE-Parada e Shqiptarëve në Tiranë, Report Tv sjell atmosferën e parapërgatitjeve

28 Nëntor, 11:37