POP 5

Lajmet më të lexuara të 5 minutave të fundit

Politikë

Boiken Abazi nga VV: Vëzhguesit tanë janë penguar, mungojnë disa pamje filmike! Celibashi: Do të bëjmë kqyrjet tona, rastet do të referohen në prokurori

Kandidati i pavarur për deputet Boiken Abazi, i mbështetur nga Levizja Vetëvendosje, gjatë mbledhjes së zhvilluar ditën e sotme nga KQZ,  ngriti disa parregullsi që ata kishin vërejtur gjatë procesit të numërimit.

Abazi tha se ai vetë, por dhe vëzhgues të VV, ishin penguar nga kryetarët e KZAZ-ve për të hyrë në ambientet ku numëroheshin votat. Po ashtu Abazi shtoi se mungojnë disa pamje filmike nga ato që ata kanë kërkuar.

‘Që nga vëzhgimi , vëzhguesit tanë janë penguar, unë jam penguar për të hyrë në qendrat e numërimit. Janë shumë fletë në pavlefshme në Tiranë. Ne kemi bërë publike pamjet, për këto. Sa për materialet filmike që kemi marrë , mungojnë ato në kzaz 31 , kzaz 33 data 26 prill, kzaz 39 mungon kamera 360 gradë. Me këto kamera nuk kuptohet asgjë, në zgjedhjet e ardhshme të ketë më shumë kamera, se nuk kuptohet asgjë. Nga vëzhguesit tanë kemi pasur dhe raste që disa fletë janë shpallur pa arsye të pavlefshme.’- tha Abazi.

Ndërkohë nga ana tjetër kreu i KQZ, Ilirjan Celibashi e siguroi se të gjitha këto nuk do të kalojnë pa u analizuar dhe hetuar dhe se çdo parregullsi do referohet në prokurori.

‘Edhe KQZ ka interes të shohë se si ka qenë sjellja e komisionerëve, për mënyrën se si janë shpallur rezultatet, do bëjmë dhe ne kqyrjet tona, do i adresojmë në prokurori të gjitha rastet ku nuk ka përputhshmëri, kush e ka menduar se do kalojë nuk do kalojë aq thjesht, nuk do jemi indiferent.’- tha Celibashi.


Lajmi kryesor:

25 prilli, KQZ miraton rezultatin e zgjedhjeve për të gjitha qarqet në vend, partitë politike 5 ditë afat për ankimimet
M.Q./b.ha./Shqiptarja.com
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Durrës/ Aksident në hyrje të autostradës, vetura ‘Seat’ del me shpejtësi nga rruga dhe bie në kanalin e ujërave të zeza! Shpëtojnë 3 të rinjtë (VIDEO)

Durrës/ Aksident në hyrje të autostradës, vetura ‘Seat’ del me shpejtësi nga rruga dhe bie në kanalin e ujërave të zeza! Shpëtojnë 3 të rinjtë (VIDEO)

24 Nëntor, 22:29