Bojken Lako, djali i aktorit të madh të filmit dhe teatrit, Bujar Lako që u largua dje nga jeta si pasojë e një infarkti në zemër, ka reaguar për herë të parë në rrjetet sociale pas humbjes së babit.

Këngëtari i njohur falënderon miqtë të cilët i kanë qëndruar pranë në këto ditë të vështira, ndërsa shpeh dhimbjen për humbjen e njeriut të shtrenjtë.

“Miq të Bujos, dashamirës , të afërm e shokë”, – shkruan Bojken. “Jemi të prekur pa masë e na keni dhënë mbështetje e emocion të fortë, me ndjeshmërinë që treguat në këto ditë të vështira. Ju falënderojmë shumë. Duam t’ju njoftojmë se ceremonia mortore do të zhvillohet sot në varrezat e Sharrës në Kombinat, duke u nisur nga shtëpia këtu në Myslym Shyri në orën 11:00. Duam t’ju lajmërojmë se ditën e Mërkurë dhe të Enjte ju presim në ambientet e Hotel Mondial në dy orare : paradite 10:00 me 14:00 dhe pasdite 16:00 me 19:00 për ta kujtuar Bujon dhe për t’ju falënderuar nga afër.”

Postimin e tij, këngëtari e mbyll duke shkruar: “Ju falënderojmë shumë”.

Redaksia Online
XH.K/Shqiptarja.com