POP 5

Lajmet më të lexuara të 5 minutave të fundit

Media

Bolivi, gazetarit i vënë flakë
gjatë emisionit në radio

Stafi i “Radios popullore” tha se katër burra të maskuar sulmuan studion, hodhën benzinë mbi gazetarin Vidal dhe më pas i vunë flakën.
Bolivi, gazetarit i vënë flakë<br />gjatë emisionit në radio
BOLIVI- Fernando Vidal, një gazetar bolivian që punonte në radio është sulmuar teksa po transmetonte një emision radiofonik në qytetin jugor të Yacuibës.

Stafi i “Radios popullore” tha se katër burra të maskuar sulmuan studion, hodhën benzinë mbi gazetarin Vidal dhe më pas i vunë flakën.

Gjithashtu i plagosur në sulm mbeti dhë një teknik studio, Karen Anza. 78-vjeçari Vidal dhe kolegu i tij janë duke u trajtuar në spital për djegiet.

Të afërm të tij thanë se Vidal ka qenë duke raportuar mbi kontrabandën në zonën kufitare, në kohën kur ndodhi sulmi.

Sipas dhëndrit të tij, ai pësoi djegie në fytyrë, krahë, kurriz dhe kraharor.

Gazetari bolivian Fernando Vidal

Farfan tha se vjehrri i tij ka qenë një kritik i ashpër i qeverisë provinciale dhe i ka shprehur kritikat e tij edhe në transmetim, gjatë emisionit në radio.

Dhëndri i Vidal u shpreh se pas këtij sulmi besonte të jenë të fshehur shkaqe politike, por policia nuk ka dhënë ende asnjë koment mbi motivet e mundshme.

Disa dëshmitarë okularë thanë se sulmuesit hodhën gjithashtu përzierje molotovi. Deri tani tre persona janë arrestuar si të dyshuar për pjesëmarrje në këtë sulm.

Yacuiba është vetëm 3 kilometra larg kufirit me Argjentinën, ku ekziston një numër i lartë i tregtisë ndërkufitare.

Gazetarë si Vidal kanë denoncuar rritjen e kontrabandës, veçanërisht të gazit të lëngshëm të naftës.
(eç/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

112-vjetori i Pavarësisë/ Ceremonia e ngritjes së flamurit në Shkodër

112-vjetori i Pavarësisë/ Ceremonia e ngritjes së flamurit në Shkodër

28 Nëntor, 13:46