POP 5

Lajmet më të lexuara të 5 minutave të fundit

Opinion

Editorial

Carlo Bollino: Kur opozita është e gatshme të justifikojë deri edhe vrasësit 

Në vend që të distancohej nga vrasje e militanti te Partisa socialiste ndodhur ne Elbasan, Partia Demokratike, presidenti Ilir Meta dhe media e tyre nisin të justifikojnë vrasjen. Një qendrim komplet ndryshe në krahasim me reagimet pas plagosjes për një parking në Kavajë.

Carlo Bollino: Kur opozita është e gatshme të justifikojë deri edhe vrasësit 

Më pak se 48 orë më parë, në Kavajë, një militant i PD-së me precedente penalë dhe një drejtues lokal i të njëjtës forcë politike, u përplasën pas një grindje për një parkim. Agresioni u krye brenda selisë lokale të PD-së dhe kjo i mjaftoi krerëve të opozitës (Lulzim Bashës dhe presidentit Ilir Meta) për të deklaruar menjëherë se ishte një atentat politik. Pak rëndësi kishte se vetë i plagosuri, pra përfaqësuesi zyrtar i PD që kishte interes të paraqitej si viktimë i një përplasje zgjedhore, tregoi në polici se sulmi nuk kishte asnje prapaskena politike, por tjesht një grindje për një parkim. 

Sot në Elbasan në një përplasje qartësisht politike, u vra një militant i Partisë Socialiste. Nuk u qëllua nga një anëtar i të njëjtës parti, por nga truproja e rivalit të tij kryesor, sekretarit të përgjithshëm të Partisë Demokratike Gazmend Bardhi, kandidat në Elbasan. Në vend që të distancohej nga krimi, siç Partia Socialiste bëri me forcë pas plagosjes në Kavajë, Partia Demokratike nisi të justifikojë vrasjen. Gazmend Bardhi, duke tejkaluar deri edhe cinizmin e Sali Berishës, nisi ta justifikojë krimi, duke thënë se “viktima ishte pjesë e stafit zgjedhor të Taulant Ballës dhe se në makinën e tij kishte para dhe karta identiteti”, duke aluduar për një plan për shitblerje votash, të cilin truproja e tij e bllokoj. Si të thuash se, kur një kundërshtar kapet duke blerë e shitur vota (supozojmë se kjo po ndodhte vërtetë), njerëzit e PD-së kanë të drejtë ta vrasin. Pra aplikimi perfekt i linjës së diktuar nga Ilir Meta, që premtoi se do të priste duart apo do të vriste ata që do të kapeshin duke blerë vota. Natyrisht, me kushtin që të mos ishin eksponentë të LSI siç ndodhi në Pukë dhe në Vlorë.  Lulzim Basha, që pak minuta pas incidentit në Kavajë ka dalë në konferencë para mediave për të akuzuar qeverinë, pas vrasjes së Elbasanit ka heshtur.. 

Edhe Ilir Meta, i gatshëm të denonconte si krim elektoral jo vetëm plagosjen për parkingun në Kavajë, por edhe rastin e një pankarte të LSI-së të hequr në Fier, e argumentoi se vrasja e Elbasanit ka ndodhur brenda një situate të tensionuar nga bandat e Edi Ramës. Edhe për kreun e Shtetit duket se është e ligjshme të vrasësh, me kusht që viktimat të jenë kundërshtarët politikë. Edhe në këtë, identik me Sali Berishën që me 21 janar lavdëroi vrasjen e katër protestuesve nga ana e gardës së tij, sepse, sipas tij, kishin guxuar të gjuanin me gurë ndaj godinës së kryeministrisë. 

Në të njëjtën linjë media opozitare, e rrjeshtuar me perpjekje kolektive për ta relativizuar vrasjen dhe për të sulmuar viktimën.

Ky është vizioni primitiv i politikës që sheh nga frengjitë e kullave nga ku këta ish-qeveritarë janë ngujuar. Këta janë njerëzit që pretendojnë të rimarrin në dorë drejtimin e vendit dhe që u kërkojnë shqiptarëve t’i votojnë për të qenë të lirë për të bërë hakmarrjet e tyre personale kundër atyre që i kanë mbajtur për tetë vite në opozitë. Këta politikanë janë të frikshëm, pasi, jo vetëm janë në gjendje të përhapin Covidin vetëm për të organizuar një “miting madhështor”, por për të ardhur në pushtet, janë të gatshëm deri të mbrojnë hapur vrasësit.  

xy/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cubel breca: 22/04/2021 10:16

    Kemi 30 vjet qe shohim e degjojm bemat e horrit sali qeni. Partia fashiste po qe se nuk je me te te vret te pret te syrgjinos pa gjurme. Mjaft me me kete makaber pa fund. Populli me thot mendja do ti jap ate qe meritojn kesaj bande kriminale bande terroriste. Ne rastese shpresojm te kemi drejtesi spaku duhet te veproje nje minut e me par qe keta qener te shqupit te shkojn ku u takon. Duhet qe zagari i sali qenit kelyshi i eshte quajtur president te arrestohet ne flagranc me thirrjet per luft ne mes te dites me diell. A ka fakte me te detajuara qe i duhen prokuroris,se po ta bente nje gje te till nje fakir ishte arrestuar me koh. Shpresojm por me sa shikojm eshte e pamundur. Me vjen keq per nje gje ne brezi I viteve 50 - 90 na hiken dem 30 vjet po me sa shikojm do ikin edhe nja 30 vjet te tjera dem e ne sdo shikojm nje dit te mir vetem pislleqet e shqupit. Na paska denuar zoti keq qe ne mos te jetojm si bota.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

NBA/ LeBron fiton 'betejën' me Curry-n, mposhten kampionët e Boston

NBA/ LeBron fiton 'betejën' me Curry-n, mposhten kampionët e Boston

26 Dhjetor, 13:51