Pra ish-deputeti Çlirim Gjata është gjallë dhe ekziston! Emri i tij mbiu në këto orë mes emrave të demokratëve në garë për të hyrë në listën e kandidatëve të Tiranës. Për mua është një lajm i mirë, por është mbi të gjitha për gjykatësen Manjola Xhaxho të gjykatës së Tiranës që po e kërkon pa rezultat prej një viti e gjysëm.
Nëse Çlirim Gjata nuk do të ishte edhe kreu i departamentit të Drejtësisë së Partisë Demokratike që pretendon të udhëheqë vendin, kjo që po ju tregoj do të ishte vetëm një histori qesharake. Por duke konsideruar funksionin politik si dhe profesionin (e supozuar) të avokatit, mënyra se si Çlirim Gjata tallet me drejtësinë e bën këtë histori dramatike. Imazhi perfekt se si partia kryesore e ish-qeveritarëve dhe eksponetëve të saj më të lartë, vazhdon të baltosë drejtësinë, edhe tani që pretendojnë të rikthehen në qeveri.
Historia ime me fantazmën Çlirim Gjata nis me 16 korrik 2019 kur (siç e lajmërova në një editorial) paraqita padi civile ndaj tij për shpifje. Gjatë dy debateve televizive në studion e Eni Vasilit, Çlirim Gjata (siç e kanë zakon edhe gati të gjithë eksponentët e PD-së) duke mos gjetur asnjë argument për të kundërshtuar kritikat ndaj tyre, mu drejtua me shpifje dhe epitete. Pas paraqitjes së denoncimit prisja që si çdo qytetar tjetër, Çlirim Gjata të paraqitej në sallën e gjyqit për të kërkuar ndjesë ose për të konfirmuar akuzat e tij duke paraqitur prova dhe fakte. Por ndjesa nuk është një praktikë e njohur për shpifësit profesionalë, të cilët kanë dhe një tjetër problem: flasin gjithmonë pa prova.
Dhe në këtë pikë Çlirim Gjata tenton rrugën e tretë: arratinë. Pikërisht kështu. Kreu i departamentit të drejtësisë në Partinë Demokratike nuk gjendet, i padukshëm, fantazëm. Gjykata e ftoi të paraqitej duke ia dërguar thirrjen në adresën e shtëpisë që e kisha shënuar në padi (Rruga Ali Demi,pallati 72, shk. 3, ap. 26), por të gjithë aty u betuan se nuk e njihnin. Atëherë avokati im Gavrosh Andoni i dha gjykatës dy adresa të tjera që Çlirim Gjata deklaronte se zhvillonte detyrën e avokatit (Njesia Bashkiake nr.7, rruga Hajdar Hidri, pallati ''Pienvis'', ap.24-25), por edhe në këtë adresë politikani i njohur rezultonte i panjohur. Kulmi ishte kur thirrja iu nis nga gjykata edhe në selinë e Partisë Demokratike në Bulevardin Zhan D’Ark, i vetmi vend që Gjata frekuenton pa asnjë dyshim, por edhe këtu përgjigja nuk ndryshoi: Nuk e njohim! Asnjë përgjigje as nga emaili i tij zyrtar ([email protected]), as nga numri i tij cellular (0692065902) dhe nga zyra në PD (04 227 6910) që ai e reklamon edhe në faqen e tij zyrtare në facebook që numëron 2479 like (!!) shifër qesharake për një politikan, por që atij mund t’i duket një rekord.
Çlirim Gjata është i panjohur edhe për Sigurimet Shoqërore, sepse mesa duket nuk merr as rrogë, ose të paktën një rrogë zyrtare: pra Çlirim Gjata ose paguhet në të zezë si çdo punëtor i mjerë te Ushtari i Panjohur, ose jeton me lemosha. Dhe këtu hapet një tjetër kapitull që meriton një thellim: cili është burimi i të ardhurave të Çlirim Gjatës meqë edhe një avokat qe punon privatisht duhet të presë fatura dhe duhet të paguajë sigurime shoqërore për veten dhe për të punësuar nëse ka?
Pas shumë muajsh kërkimesh pa asnjë rezultat, duke konstatuar se Çlirim Gjata është një fantazëm, me 19 qershor 2020 gjykatësja Manjola Xhaxho vendosi më në fund të vazhdojë gjykimin “me shpallje”, siç bëhet me të kërkuarit ose me barbonët pa një strehë fikse: pra informohet i hetuari se ka një proces në ngarkim të tij duke ia publikuar emrin te dera e gjykatës. Në këtë rast gjykatësja vendosi që njoftimi do të afishohej edhe “pranë selisë së PDsë, në web, në adresë, në njësinë administrative si dhe në adresën e tij email. Gjithashtu t'i dergohet shkrese DRSSH Tirane ku t'i kerkohet te paraqesë informacion nese per te paditurin Çlirim Gjata ka te dhena dhe në sigurimet shoqerore''.
Por nga ky moment e tutje është zhdukur edhe gjykatësja e cila nuk ka thirrur më asnjë seancë, dhe as, nga sa rezulton, nuk zbatoi vendimin e saj për të proceduar me “shpallje” ndaj politikanit të mirënjohur. Procesi për shpifje është ndërkohë i ngrirë ndoshta në pritje që Çlirim Gjata të dalë në mënyrë vullnetare nga klandestiniteti i tij i qetë. Klandestinitet që nuk e ka penguar partinë demokratike ta propozojë si kandidat për deputet.
Ajo çka e bën këtë histori dramatike në vend të komike janë të paktën dy aspekte:
I pari është qëndrimi i gjykatëses e cila duket e terrorizuar të procedojë në mënyrë të vendosur ndaj Çlirim Gjatës, pikërisht siç i ndodh shumë kolegëve të saj sa herë duhet të gjykojnë një pjesëtar të klanit të PD-së, pra njerëz të lidhur me Berishën, Argitën & Co. Kjo është akoma më e habitshme për Manjola Xhaxho, e çertifikuar nga vetting si gjykatëse e ndershme pra e rikonfirmuar në vendin e saj me vulën e “drejtësisë së re”. Nëse funksionon kështu “drejtësia e re”, imagjinojmë e vjetra! Nëse është e terrorizuar për një proces për shpifje, si do të sillej ndaj një krimi më të rëndë duke pasur në dorë një peshk të madh të Pd-së si të paditur?
Manjola Xhaxho jeton e blinduar në katin e pestë të gjykatës me një roje të dedikuar dhe refuzon të takojë çdo avokat që nuk është i seancës së radhës. Në këtë mënyrë derisa nuk thërret seancën, është e lirë të mos shpjegojë edhe arsyet e shtyerjes. E terrorizuar të deklarojë Çlirim Gjatën “të kërkuar” me shpallje, zonja shmang t’i përgjigjet edhe letrave të avokatit tim që i kërkon sqarime mbi këtë heshtjen e saj misterioze. Hera e fundit që i ka shkruar, është 23 shtatori i këtij viti: Letra drejtuar gjykatëses pa asnjë përgjigje.
Aspekti i dytë, po aq e rëndë, i takon Çlirim Gjatës dhe partisë së tij. Si ia bën një personazh që fshihet nga drejtësia, të përfaqësojë departamentin e drejtësisë në partinë që pretendon të arrijë të qeverisë vendin? Çlirim Gjata prezantohet mes miqve dhe të afërmëve si një ministër i ardhshëm i drejtësisë, gjë që e bën figurën e tij të sikletshme edhe për partinë e vet. Një aspirant ministër (dhe deputet) i kërkuar “me shpallje” nuk ishte parë kurrë më parë.
Kur bëra padi për shpifje edhe kundër Sali Berishës, ish-kryeministër të paktën dërgoi në sallën e drejtësisë avokatët e tij edhe pse me një teori të qesharake mbrojtjeje: “Unë jam Sali Berisha dhe nuk duhet të tregoj asnjë provë për të konfirmuar akuzat e mia”, u përgjigjën në sallë. Dhe në fakt gjykatësi e dënoi. Çlirim Gjata duhet të ketë kuptuar se strategjia e shefit të tij nuk funksionon dhe kështu,p ër të shpëtuar nga dënimi, preferon të fshihet duke mos pasur edhe ai asnjë provë për të treguar.
Kjo sjellje shpjegon më shumë se një mijë fjalë se në ç’mënyrë partia demokratike e koncepton të vërtetën dhe drejtësinë. Mënyra në të cilën Çlirim Gjata dhe shumë njerëz të partisë së tij jetojnë, është ajo që e vetmja mënyrë për të bërë politikë është gënjeshtra dhe nëse drejtësia u kërkon llogari për veprimet, thjeshtë fshihen. E ka bërë Berisha prej vitesh, e bëri Basha në procesin për Rrugën e Kombit, e bën edhe Çlirim Gjata nga ana e tij. Sa më takon, mund të vazhdoj të pres akoma, sepse fshehja e tij nga procesi, tani si kurrë më parë, është prova e qartë e fajit të tij.
Ps: Në pritje që gjykatësja të gjejë kurajon për të proceduar zyrtarisht “me shpallje” ndaj ish-deputetit Çlirim Gjata siç ajo vetë vendosi të bëjë 4 muaj më parë, ne, këtë “shpallje” sado jo zyrtare, tashmë e bëmë. Pra, kush e lexon këtë shkrim ta lajmërojë z. Gjata: Gjykata e kërkon! Dhe kur ta gjejnë, të mos dale e të thotë se nuk e dinte!
Lajme të tjera
-
Itali/ I dënuar me 4,2 vite burgim për zhvatje dhe shpifje, kapet pas katër vitesh kërkimi 43-vjeçari shqiptar
15 Dhjetor, 16:05 -
Zgjedhjet 2025, PD cakton grupin e punës për fushatën e Tiranës, lista me 36 emra! Nga djali i Sokol Olldashit, Adriana Kalaja, te Asllan Dogjani nën akuzë nga SPAK
4 Dhjetor, 13:11 -
Carlo Bollino lajmëron padi për shpifje ndaj ''Syrit'' të familjes Berisha
30 Nëntor, 14:50 -
Një amnisti? A nuk rrezikon të rikonfirmojë 'de jure' dhe përfundimisht në postet e tyre politikanët e këtyre tridhjetë viteve?
29 Tetor, 16:05
-
Ilir Yzeiri: Amnistia dhe sqarimi i (pa)nevojshëm i Bolinos
27 Tetor, 10:40
-
Carlo Bollino: Duhet një amnisti? Një sqarim për ata që e kritikojnë pa e lexuar (ose nuk duhet ta kuptojnë) pyetjen time
26 Tetor, 17:16
-
Carlo Bollino: SPAK dhe Amnisti: Një rrugë e mundshme për një drejtësi të pranueshme dhe paqe politike?
25 Tetor, 14:53
-
Carlo Bollino ironizon familjen Berisha: Përpara më etiketonin si ''fashisto-komunist'', tani jam ''peng'' por njëkohësisht edhe ''anëtar'' i SPAK!! Ata janë komplet në panik, i mirëkuptoj
20 Shtator, 12:27
-
Carlo Bollino: Berisha nuk meriton të fitojë zgjedhje jo vetëm se është i korruptuar, por mbi të gjitha se ka mbetur një diktator!
19 Shtator, 16:56
-
Berisha në sulm: Bollino është anëtar i organizatës kriminale të SPAK! Bollino i përgjigjet: E vlerësoj, por jam thjesht një gazetar i fakteve!
18 Shtator, 17:17 -
Carlo Bollino: ''Vakëf'' dhe ''VKM e personalizuar'', Berisha dhe dhëndri do të përgjigjen penalisht për shpifjet e presionet ndaj meje!
11 Shtator, 21:09
-
Carlo Bollino: Opozita në duart e Berishës dhe rrjeta e merimangës që po e çon drejt humbjes së dhjetë
9 Shtator, 19:07
