Bombardimi i spitalit në Mariupol, OKB: Objektet shëndetësore nuk duhet të shënjestrohen kurrë

Bombardimi i spitalit në Mariupol, OKB: Objektet shëndetësore nuk duhet të shënjestrohen kurrë

Kombet e Bashkuara dhe Organizata Botërore e Shëndetësisë po bëjnë thirrje për “ndalimin e menjëhershëm të sulmeve nga shtëpive të kujdesit, spitaleve, punëtorëve shëndetësorë dhe ambulancave”.

“Asnjëra nga këto nuk duhet asnjëherë të shënjestrohet”, tha zëdhënësi i OKB-së, Stephane Dujarric.

Ai tha se OKB-ja po ndjek me vëmendje raportimet për sulmin “shokues” ndaj maternitetit dhe spitalit të fëmijëve në Mariupol.

Nga ky sulm, që ndodhi më 9 mars, është raportuar se janë plagosur të paktën 17 persona.

Ndërkaq, Organizata Botërore e Shëndetësisë ka thënë se deri më tani ka verifikuar të paktën 18 sulme ndaj objekteve shëndetësore, që prej se pushtimi rus i Ukrainës nisi dy javë më parë.

OBSH-ja tha se në këto sulme janë vrarë të paktën dhjetë persona dhe janë plagosur 16 të tjerë.


Lajmi kryesor:

Bombardohet spitali në Mariupol, fëmijë nën rrënoja! Zelensky: Kompromis, por pa tradhtuar vendin! Pentagoni: Avionët polakë s'do dërgohen në Kiev, me rrezik


SI.E./B.K./Shqiptarja.com
  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Emigrantët shqiptarë protestë simbolike në Milano: Duam të votojmë në 2025! Protestë dhe në Hagë

Emigrantët shqiptarë protestë simbolike në Milano: Duam të votojmë në 2025! Protestë dhe në Hagë