POP 5

Lajmet më të lexuara të 5 minutave të fundit

Ekonomi

Bordi i AMF miraton 'Fondin e Kompensimit' për vitin 2022, pagesat për vitin e kaluar në masën 104%

Bordi i Autoritetit të Mbikëqyrjes Financiare miratoi në mbledhjen e datës 28 shkurt Fondin e Kompensimit për vitin 2022, në masën 250 milionë lekë. Në zbatim të ligjit të ri “Për sigurimin e detyrueshëm në sektorin e transportit”, në këtë mbledhje është miratuar edhe krijimi i provigjoneve (rezervave) në vlerën rreth 764 milionë lekë, për dëmet e Fondit të Kompensimit, të cilat do të pasqyrohen nga shoqëritë në pasqyrat financiare të vitit 2021.

Bordi i AMF miraton 'Fondin e Kompensimit' për vitin 2022, pagesat për vitin e kaluar në masën 104%

Foto ilustruese

Bordi i Autoritetit të Mbikëqyrjes Financiare miratoi në mbledhjen e datës 28 shkurt Fondin e Kompensimit për vitin 2022, në masën 250 milionë lekë. Në zbatim të ligjit të ri “Për sigurimin e detyrueshëm në sektorin e transportit”, në këtë mbledhje është miratuar edhe krijimi i provigjoneve (rezervave) në vlerën rreth 764 milionë lekë, për dëmet e Fondit të Kompensimit, të cilat do të pasqyrohen nga shoqëritë në pasqyrat financiare të vitit 2021.

Një nga ndryshimet më të rëndësishme të ligjit të ri, i cili hyri në fuqi në korrik 2021, ka të bëjë me mënyrën e trajtimit të rasteve të Fondit të Kompensimit, ku përfshihen aksidentet e shkaktuara nga mjetet e pasiguruara ose të paidentifikuara. Sipas parashikimeve ligjore, palës së dëmtuar në një aksident të shkaktuar nga një mjet i papajisur me siguracion, ose që largohet nga vendngjarja, i lind e drejta t’ia kërkojë dëmshpërblimin shoqërisë së tij të sigurimit, pa qenë nevoja që rasti të shkojë automatikisht te Byroja, duke u klasifikuar si Fond Kompensimi, ashtu siç ndodhte më përpara.

Pikërisht ky ndryshim ka sjellë impakt domethënës në trajtimin e rasteve nga shoqëritë si sigurues i drejtpërdrejtë. Sipas të dhënave, pas hyrjes në fuqi të ligjit të ri, për dëmet e ndodhura dhe të raportuara gjatë periudhës 1 korrik 2021-31 dhjetor 2021, 80% e këtyre dëmeve në numër dhe 74% në vlerë janë trajtuar dhe paguar nga shoqëritë, si sigurues i drejtpërdrejtë. Pagesa e kësaj kategorie dëmesh nga shoqëritë e sigurimit ka ndikuar direkt në reduktimin e procedurave, si edhe uljen e kohës së procesimit dhe pagesës së dëmit për personat që kanë pësuar aksidente. 

Fondi i Kompensimit në mbyllje të vitit financiar 2021, rezultoi me një realizim në masën rreth 104% të detyrimit të fondit të këtij viti, duke e tejkaluar për herë të parë në 5 vitet e fundit detyrimin përkatës të vitit. Bazuar në ndryshimet e fundit ligjore, “Byroja Shqiptare e Sigurimit duhet të mbajë një fond garancie me qëllim pagesën e dëmeve Fond Kompensimit, vlera e të cilit duhet të jetë të paktën 150 milionë lekë.”

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46