Borell: Skenarët për të ardhmen e Gazës do t’i diskutojmë me ministrat europianë

Josep Borrell

Kreu i diplomacisë së Bashkimit Europian Josep Borell, në përfundim të kësaj konference vuri në dukje se duhet të trajtohet me emergjencë kriza humanitare në Gaza, si ritheksoi se duhet punuar për një paqe të qëndrueshme në rajon.

“Unë do t’i kërkoj shërbimit Europian të Veprimit të Jashtëm të dorëzojë një dokument me skenarë të mundshëm për të ardhmen e Gazës, të cilin sigurisht do të doja ta diskutoja me ministrat. Këshilli i ardhshëm i Punëve të Jashtme në dhjetor do të na lejojë të bëjmë sërish vlerësime dhe të fokusohemi në stabilizimin dhe qëndrueshmërinë me dy shtete", tha Borrell.

LEXO EDHE:
Frikë për acarimin e gjendjes pas sulmit izraelit në Jemen

Po ashtu Borrell shprehu shqetësimin e tij “për përkeqësimin e shpejtë të situatës në Bregun Perëndimor dhe rrezikun e përshkallëzimit të mëtejshëm, pavarësisht përpjekjeve të Autoritetit Palestinez për të de-përshkallëzuar situatën”.

Lajmi kryesor:

Lufta/ Izrael dhe Hamas në prag të një marrëveshje! Netanyahu: Vendim i vështirë por i drejtë, lufta do të vazhdojë pas armëpushimit

S.S/Shqiptarja.com

TAG:
• lufta ne rripin e gazes