Borrell paralajmëron një tjetër takim të mundshëm të liderëve evropianë me Kurtin e Vuçiçin

Shefi i politikës së jashtme të BE-së, Josep Borrell, paralajmëroi mundësinë e takimeve të reja të udhëheqësve evropianë me kryeministrin e Kosovës, Albin Kurti, dhe me presidentin e Serbisë, Aleksandar Vuçiç.

Ato shihen si përpjekje për të ringjallur dialogun për normalizimin e marrëdhënieve mes Kosovës dhe Serbisë, pas sulmit të armatosur në Banjskë.

"Puna është në vazhdim e sipër. Ndoshta duhet të largohemi nga samiti i BE-së dhe të ulemi sërish me udhëheqësit e Kosovës dhe Serbisë dhe të shohim nëse mund të gjejmë ndonjë zgjidhje përmes dialogut. Nuk ka zgjidhje tjetër. Rruga evropiane e Kosovës dhe Serbisë kalon përmes këtij dialogu", u tha Borrell gazetarëve.

Më herët, Kurti dhe Vuçiç u pritën veç e veç nga kancelari gjerman, Olaf Scholz, presidenti francez, Emmanuel Macron, kryeministrja italiane, Giorgia Meloni, si dhe përfaqësues të lartë të BE-së.

Lajmi kryesor:

Dialogu/ Nuk ka marrëveshje në Bruksel, Borrell: Palët i vunë parakushte njëra-tjetrës, s’patën gatishmëri për pajtim

M.Q./Shqiptarja.com

TAG:
• aleksander vucic
• Albin Kurti
• tensione ne veri te kosoves
• vritet polici ne kosove
• Dialogu Kosovë Serbi