POP 5

Lajmet më të lexuara të 5 minutave të fundit

Kosova & Rajoni

Borrell: Situata në Ballkanin Perëndimor nuk është e mirë

Ai i bëri këto komente para takimit të ministrave të Jashtëm të BE-së, të cilët do të diskutojnë mes tjerash gjendjen në Ballkanin Perëndimor, me theks të posaçëm në zhvillimet e fundit në Bosnjë e Hercegovinë dhe bisedimet për normalizimin e marrëdhënieve Kosovë – Serbi.

Borrell: Situata në Ballkanin Perëndimor nuk është e mirë

Josep Borrell

Shefi i politikës së Jashtme të Bashkimit Evropian, Josep Borrell, tha të hënën se situata e përgjithshme në Ballkanin Perëndimor nuk është e mirë.

Ai i bëri këto komente para takimit të ministrave të Jashtëm të BE-së, të cilët do të diskutojnë mes tjerash gjendjen në Ballkanin Perëndimor, me theks të posaçëm në zhvillimet e fundit në Bosnjë e Hercegovinë dhe bisedimet për normalizimin e marrëdhënieve Kosovë – Serbi.

Zoti Borrell tha se në Bosnjë “ka tendenca që dëmtojnë unitetin e vendit, zhvillimin dhe rrugën e tij evropiane”.

Bosnja ndodhet në një periudhë tensionesh të nxitura nga veprimet udhëheqësit të serbëve, Milorad Dodik, i cili shpreh hapur synimet për ndarjen e vendit.

Kosova dhe Serbia kanë ngecur në procesin e bisedimeve për normalizimin e marrëdhënieve ndërmjet tyre, që është kusht për integrimet evropiane.

Komisionari për zgjerim, Oliver Varhelyi, tha se procesi i zgjerimit është “mjeti më i fuqishëm” i Bashkimit Evropian.

“Pas zgjedhjeve në Bullgari dhe në Maqedoninë e Veriut, shpresojmë të shohim përparim të shpejtë në terren”, tha ai, duke shfaqur shpresën për hapjen e negociatave me Shqipërinë dhe Maqedoninë e Veriut për anëtarësim në BE.

Hapja e negociatave është bllokuar nga Bullgaria e cila ka ngritur kundërshti lidhur me gjuhën dhe trashëgiminë historike të Maqedonisë së Veriut.

Duke qenë se Shqipëria dhe Maqedonia e Veriut, janë trajtuar së bashku në këtë proces, shtetet anëtare nuk kanë preferuar që t’i ndajnë ato nga njëra tjetra në këtë fazë./VOA/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46