POP 5

Lajmet më të lexuara të 5 minutave të fundit

Ekonomi

Borxhi i jashtëm i vendit u rrit me 297 mln € në tre muajit e parë të vitit! Banka e Shqipërisë: Në fund të muajit mars arriti në 8.8 mld €

Borxhi i jashtëm i vendit ka kapur shifra rekord në tre muajit e parë të këtij viti, pasi sipas Bankës së Shqipërisë  ai është rritur me 297 milionë euro, krahasuar me fundin e vitit 2020.

Nga janari deri në fund të muajit mars borxhi i jashtëm i vendit është rritur me 297 milionë euro krahasuar me tremujorin e fundit të vitit 2020, njofton Banka e Shqipërisë

Konkretisht në fund të muajit mars stoku i borxhit të jashtëm arriti në 8,852 miliardë euro nga 8,555 miliardë euro që ishte në fund të dhjetorit 2020 dhe rritja është më e madhe krahasuar me tremujorin e parë të vitit 2020, kur pandemia ishte në nisje të saj. Në total për periudhën janar-mars 2020 borxhi ishte 8,198 miliardë euro, me një rritje prej 654 milionë eurosh.

Rritja e shpejtë e borxhit jashtëm e regjistruar në prag të zgjedhjeve elektorale të 25 prillit, erdhi edhe si pasojë e dy kredive të marra tek ndërkombëtarët. Konkretisht janë 200 milionë euro hua të marra gjatë këtij tremujori më shumë se në tremujorin e fundit të vitit që shkoi.

Shqipëria është ndër vendet me rritjen më të lartë të borxhit në rajon për shkak të pandemisë COVID-19, por pavarësisht kësaj situate Ministria e Financave është zotuar për të nisur uljen e tij brenda këtij viti dhe për ta ulur në nivel minimal (60%)brenda vitit 2023.

 

BORXHI PUBLIK I VENDIT

Janar-mars 2021                  8,852 mld euro

Tetor-dhjetor 2020                8,555 mld euro

Diferenca                                +297 mln euro

 

BORXHI PUBLIK I VENDIT

Janar-mars 2021                  8,852 mld euro

Janar- mars 2020                 8,198 mld euro

Diferenca                                +654  mln euro

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

125 vjetori i lindjes së Lasgush Poradecit, ja letra e dashurisë që poeti i dërgonte gruas së tij

125 vjetori i lindjes së Lasgush Poradecit, ja letra e dashurisë që poeti i dërgonte gruas së tij

27 Dhjetor, 10:15