POP 5

Lajmet më të lexuara të 5 minutave të fundit

Ekonomi

Borxhi i jashtëm vlera rekord, në shtator 8.9 miliardë euro

Borxhi i jashtëm i Shqipërisë është rritur me 193 milionë euro në tremujorin e tretë të këtij viti, në raport me tremujorin e kaluar. Sipas të dhënave të Bankës së Shqipërisë borxhi i jashtëm në fund të shtatorit ishte 8.9 miliardë euro duke shënuar shifrën më të lartë historike.

Borxhi i jashtëm i vendit është zgjeruar në tremujorin e tretë të këtij viti me 193 milionë euro.

Banka e Shqipërisë thotë se në fund të muajit shtator borxhi i jashtëm ishte në vlerën e 8.9 miliardë euro nga 8.7 miliardë euro që ishte në fund të qershorit.

Ky është niveli më i lartë i borxhit të jashtëm i regjistruar që prej vitit 2008, kur janë edhe raportimet e Bankës së Shqipërisë.

Mbi 89% e borxhit të jashtëm bruto është me maturitet afatgjatë dhe në këtë tremujor është zgjeruar me 172 milionë euro thotë Banka Qendrore. Në të njëjtën kohë, borxhi i jashtëm bruto në maturitetin afatshkurtër u rrit me 21 milionë euro.

Qeveria zotëron rreth 46 % të totalit të Borxhit të Jashtëm, ndërsa pjesa tjetër i takon sistemit bankar, autoritetit monetar dhe sektorëve të tjerë.

Në fund të muajit shtator 2021, detyrimet e Qeverisë qendrore e vendore vlerësohen në 4,1 miliardë, që janë marrë në formën e huasë dhe obligacioneve.

Gjatë këtij viti janë marrë disa hua, si për shëndetësinë me fokus përballimin e pandemisë, po ashtu edhe për turizmin apo kredi për energjinë elektrike.

Stoku i borxhit të jashtëm pritet të zgjerohet edhe më tej për shkak të emetimit të eurobondit në muajin nëntor në vlerën e 650 milionë eurove, e cila do të përdoret për disa sektorë kryesor.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59