POP 5

Lajmet më të lexuara të 5 minutave të fundit

Periferi

Borxhlinjtë e Tiranës

Dihet. Tironcit janë indiferentë. Me natyrën e tyre sikur të ishin priftërinj budistë, lënë lumin të rrjedhë e qëndrojnë të qetë ndërsa shikojnë ç'sjell ai.
Borxhlinjtë e Tiranës

Foto nga kryeqyteti shqiptar

Dihet. Tironcit janë indiferentë. Me natyrën e tyre sikur të ishin priftërinj budistë, lënë lumin të rrjedhë e qëndrojnë të qetë ndërsa shikojnë ç'sjell ai. Një vëzhgim pa përfshirje, akoma më mirë, nëse bëhet me një kafe a një teke raki. Tironcit janë të qetë. Ndësa ua lanë vendin lloj lloj ambiciozëve, duket, se vazhdojnë ta bëjnë pa u shqetësuar edhe tani. Nuk mërziten që quajnë, për shembull, analist burrin e Meremes nga Kukësi. Meremja rreh të shoqin e ai rreh sistematikisht inteligjencën e tiranasve e të mbarë Shqipërisë me "analizat" e tij.

Mbajnë si inteligjent e mendimtar Artanin e ish-Bllokut. Luante me kukulla plastike në vegjëli, e për kukulla plastike vdes edhe tani. E nga një kukull në tjetrën, pretendon të bëjë një "analizë" që fsheh gjithë frustrimin e natyrës së pavërtetë të tij. E pra, tiranasit i dhanë shumë në kohë diktature e vazhdojnë t'i japin bollshëm hapsirë. Shpresojnë të gjejë vetveten, më në fund, një ditë. Tiranasit, e kam thënë, janë zemergjerë. I falën monumente firmës së sallamit, e tani, memorien ja kanë lënë në dorë të njëjtës firmë, apo të njëjtit fis. Ah sa moral bën përditë firma e sallamit: "Në Shqipëri, - thotë, - s'ka si unë më të mirë".

Tirana ka nxjerrë në sipërfaqe lloj lloj materialesh njerëzore, e ndërsa bijtë e saj më të mirë e më të mençur janë strukur ose kanë ikur, ua ka dhënë fjalën disave që mund t'i quajmë vetëm borxhlinj. Janë të shumtë borxhlinjtë e Tiranës, përditë i dëgjon të bërtasin, të gënjejnë, të bëjnë moral e të pretendojnë të kundërtën e asaj që bëjnë vetë në çdo kthinë. Përdoren si armë nga të këqinjtë e përvetësojnë të mira materiale, por ata do të mbeten përherë borxhlinj.

Kjo Tiranë, në dukje indiferente, që gjen forcën të zbukurohet mes dhimbjes, agresivitetit e të çmendurve dita-ditës, çfarë do të jetë në gjendje të bëjë në kohën e saj më të mirë? Ja, kështu, mes llumit që plluskon në lumin e jetës, me durim, Tirana ka arritur të inkurajojë pak vetë me vlerë e me dëshirën e mirë për dritë. Janë fare pak ende tani, por në kohë të kohëve, errësira, ka treguar se vendin do ja lërë dritës një ditë. Borxhlinjtë e Tiranës bërtasin televizioneve, rrjeteve sociale, e portaleve. Mendojnë se kështu do të zerohet borxhi i tyre ndaj qytetit e njerëzve të mirë. Por Tirana, me qetësinë e saj monumentale, i njeh shumë mirë. Të gjithë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

27 Nëntor, 22:19