Sipas mediave gjermane, të gjithë anëtarët e ekipit që do të marrin pjesë në Kupën e Femrave në Kanada para fillimit të garës do të duhet të vërtetojnë gjininë e tyre, pra që ato janë me të vërtetë femra.
Për këtë qëllim do të jetë e mjaftueshëm konfirmimi zyrtar i mjekut të ekipit. Megjithatë, të gjitha futbollistet do të duhet të sjellin konfirmim nga mjekët e tyre.
Menaxherja e përfaqësueses së Gjermanisë, Doris Fitschen ka konfirmuar këtë informacion duke thënë se kombëtarja e Gjermanisë tashmë ka kryer këtë obligim.
"Ju siguroj se të gjitha futbollistet tona janë femrat", ka thënë Fitchen.
Një nga përfaqësueset gjermane, Lena Goessling ka thënë se nuk e ka marrë seriozisht këtë test dhe se ishte zbavitës.
Në Kupën e mëparshme botërore për femrat janë shfaqur dyshime nëse disa prej futbollisteve të kombëtareve afrikane janë në të vërtetë femra. Për të shmangur çdo dyshim, FIFA vendosi rregullin e vërtetimit të gjinisë.
Redaksia Online
(a.h/shqiptarja.com)