POP 5

Lajmet më të lexuara të 5 minutave të fundit

Shëndeti

Bota në alarm nga COVID, Shqipëria si në ‘Muzikë tallava’

Në një kohë kur bota është përfshirë nga ethet e mutacionit të COVID-19 Omicron, në vendin tonë banorët sillen njëjtë sikur virusi vdekjeprurës të mos ekzistonte. Report TV vëzhgoi në pika të ndryshme të Tiranës ku qytetarët nuk respektojnë asnjë masë anti-COVID, pa maska dhe distancë.

Pa maska dhe në pritje të urbanit ku nuk respektohet asnjë distancë. Pamjet u xhiruan sot tek zona e njohur 9-katëshet.

Masat anti-covid në vendin tonë prej kohësh kanë pushuar së zbatuari. Kudo në kryeqytet sheh qytetarë të shkujdesur që sillen sikur virusi të mos jetë më prezentë.

Nga të rinjtë deri tek të moshuarit askush nuk zbaton një prej masave që konsiderohet më e rëndësishmja sipas eskpertëve.

Grumbullime ka edhe në pikat ku shiten abonetë mujore.

Në kafene në një tavolinë ka më tepër se tre apo katër persona. Shumë pranë një tjetër tavolinë po me aq klientë pa respektuar asnjë distancë.

Dhe kur shkojnë për të blerë ushqime, jo çdo qytetarë është i pajisur me maskë.

Në një kohë kur bota po i kthehet karantinës nga rreziku i variantit i ri i COVID Omicron, apo dhe kur  Kosova nga data 3 janar nuk do të lejojë të hyjë në territorin e saj asnjë person i pavaksinuar, Shqipëria vijon me të njëjtat masa që nuk zbatohen.

Ministrja e Shëndetësisë, Ogerta Manastirliu foli për rishikim të masave në varësi të situatës dhe njoftoi dërgimin e mostrave në laboratorë jashtë vendit për të vërtetuar a ka hyrë apo jo Omicron në Shqipëri.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

'Mangalem's Shade', magjia e dritave në lagjen muzeale të Beratit

'Mangalem's Shade', magjia e dritave në lagjen muzeale të Beratit

25 Dhjetor, 09:03 nga Mimoza Sinanaj