POP 5

Lajmet më të lexuara të 5 minutave të fundit

Bota

Botërori/Deputetja ruse u kërkon vendaseve të mos kenë marrëdhënie me vizitorët, që të mos mbesin ‘nëna të vetme’

Tamara Pletnyova, komunistja 70-vjeçare, që kryeson komitetin parlamentar që merret me çështjen e familjes, gruas dhe fëmijës, ka thënë në një radio që shpreson se asnjë vendase e saj nuk shoqërohet me ndonjë të huaj, e aq më pak të mbetet shtatzënë.
Botërori/Deputetja ruse u kërkon vendaseve të mos kenë marrëdhënie me vizitorët, që të mos mbesin ‘nëna të vetme’

Tamara Pletnyova, deputete ruse

Tamara Pletnyova, u ka kërkuar ruseve që të mos kryejnë marrëdhënie seksuale me vizitorët e Kampionatit Botëror, për të shmangur mundësinë e të qenit nëna të vetme, me fëmijë që ka racë të përzier.

Komunistja 70-vjeçare, që kryeson komitetin parlamentar që merret me çështjen e familjes, gruas dhe fëmijës, ka thënë në një radio që shpreson se asnjë vendase e saj nuk shoqërohet me ndonjë të huaj, e aq më pak të mbetet shtatzënë.

Politikania pretendon se Kampionati Botëror që zhvillohet në Rusi, do të rrisë numrin e të rejave ruse që mbesin shtatzënë, por ka kërkuar që ‘ato të jenë të vetëdijshme dhe t’i dinë disa gjëra për të huajt’.

Sipas saj, duhet pasur parasysh përvojën e kohës së BRSS-së, kur shumë gra ruse mbetën shtatzënë me të huajt gjatë vitit 1980, teksa në Moskë po zhvillohej Olimpiada.

E pyetur nëse Rusia 2018, do të rriste numrin e lindjeve – qëllimi kryesor i presidentit Vladimir Putin – deputetja ka thënë se ‘ne duhet t’i lindim fëmijët tanë’.

“Janë fëmijët ata që vuajnë… kanë vuajtur që nga koha Sovjetike. Pak fat kishin ata me racën e njëjtë sikur të nënës, të tjerët e kishin edhe më keq” ka shtuar deputetja e lindur në Siberi.

Brenga tjetër e saj, është se të huajt do t’i braktisin ato dhe do të mbesin nëna të vetme pa asnjë alimentacion.

“Ka mundësi që edhe i marrin me vete, por pse të zbrazet shteti ynë me banore që i kemi rritur dhe shkolluar”, ka përfunduar Plenyova, që këmbëngulë se kjo është për të mirën e përgjithshme dhe nuk është nacionaliste.

Deklarata saj ka ngjallur reagime të ndryshme, duke u kundërshtuar ashpër nga të rinjtë, por gjeti mbështetjen e të tjerëve që kryesisht janë prindër dhe më të moshuar.

Plenyova është anëtare e parlamentit rus, që nga viti 1993.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Proka: 14/06/2018 09:45

    Do i kenaqin e do i marrin si skllave,ky fenomen eshte prezent ne cdo kampionat. Me duket kjo zonja ua ka zili vajzave te reja pasi vete nuk mund te hedhe valle. Shnet

    Përgjigju
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53