POP 5

Lajmet më të lexuara të 5 minutave të fundit

Politikë

Editorial

Braçe: Bolino e Arvizu nën
sulmin primitiv të Berishës

Një tjetër figurë politike i është bashkuar reagimeve ndaj gjobës prej 75 mijë euro që Gjykata e Tiranës i ka vendosur pa të drejtë, Drejtorit të gazetës italiane “La Gazzetta del Mezzogiorno”, Carlo Bollino. Deputeti i PS, Erion Braçe ka reaguar mbi mënyrën sesi kreu i qeverisë po vepron sipas tij ndaj dy të huajve që jetojnë, punojnë e kontribuojnë në Shqipëri, gazetarit Carlo Bollino dhe ambasadorit të SHBA në Tiranë, Alexander Arvizu.
Braçe: Bolino e Arvizu nën<br />sulmin primitiv të Berishës
TIRANE- Një tjetër figurë politike i është bashkuar reagimeve ndaj gjobës prej 75 mijë euro që Gjykata e Tiranës i ka vendosur pa të drejtë, Drejtorit të gazetës italiane “La Gazzetta del Mezzogiorno”, Carlo Bollino.
 
Deputeti i Partisë Socialiste, Erion Braçe ka reaguar mbi mënyrën sesi kreu i qeverisë po vepron sipas tij ndaj dy të huajve që jetojnë, punojnë e kontribuojnë në Shqipëri, gazetarit Carlo Bollino dhe ambasadorit të SHBA në Tiranë, Alexander Arvizu
 
Më poshtë vijon reagimi i plotë i deputetit të PS-së, Erion Braçe.
 
“Jam i irrituar me atë që Sali Berisha po i bën dy njerëzve të mirë që shërbejnë në këtë vend.
 
Njëri është po aq shqiptar, saç është edhe italian.
Karlo Bollino quhet. Është themeluesi i gazetarisë profesioniste, të ndershme e të pakorruptuar në këtë vend!
 
Tjetri është po aq shqiptar saç është edhe amerikan.
Alexander Arvizu quhet. Është ambasadori i SHBA në Tiranë, në shërbimin diplomatik ndër më të rëndësishmit në këtë vend e për çdo shqiptar.
 
Karlo është dënuar pa qenë në gjyq, pa avokat, pa faj, politikisht, në një gjest hakmarrje primitive për gazetarinë e tij. Të gjitha bashkë prej pushtetit më të korruptuar në këtë vend, drejtësisë sipas Sali Berishës!
 
Ambasadori Arvizu po “dënohet” pa gjyq, po sulmohet turpësisht, thjesht e vetëm për parimësinë e tij, nisur nga ato më të rëndësishmet, demokracinë, zgjedhjet dhe pushtetet e pavarura. Të gjitha bashkë nga pushtetari më i korruptuar në Shqipëri, Sali Berisha, madje edhe me paratë e taksave që ne shqiptarët i paguajmë.
 
Sali Berisha po e bën këtë vend të papajtueshëm për shqiptarët dhe të huajt.
Siç për ne shqiptarët që e kundërshtojmë dhe e refuzojmë, ashtu edhe për çdo të huaj, parimet e të cilëve, të përbotshme, refuzohen nga parimet primitive e tribale, autokratike e të dhunshme të tij.
 
Duhet ta zhbëjmë Shqipërinë e Berishës!
 
Duhet të ndërtojmë Shqipërinë e njerëzve të thjeshtë, të drejtë, të ndershëm, të lirë e demokratë, për vete dhe për çdo të huaj që punon e shërben këtu!”

Redaksia Online
(e.s/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu