Braçe nxjerr videon e takimit Berisha-Karamanlis për 'detin': Tradhtia s’tretet në fund të detit, asgjë s’harrohet! Tradhtar bëhesh kur do e firmos ti!

TIRANË- Zëvendëskryeministri Erion Braçe, ka postuar video në Instagram, të një kronike te Zërit të Amerikës kur ish-kryeministri grek Kostas Karamanlis vizitoi Shqipërinë, në kohën kur në vend ishte kryeministër Sali Berisha. Asokohe, thuhet në kronikë, u nënshkrua marrëveshja mes ministrave të jashtëm, për përcaktimin e kufijve detare, por për përmbajtjen e saj nuk kishte informacion.

E gjitha kjo për Braçen është një tradhti kombëtare, që opozita e atëhershme, sot në qeveri e çoi në Gjykatën Kushtetuese.  

" Tradhtia nuk tretet në fund të detit! Asgjë nuk harrohet! Tradhtar nuk bëhesh kur do një tjeter, por atëherë kur do e firmos ti", shkruan Braçe.

LEXO EDHE:
Dritan Hila: Mendo kush e ka drejtuar këtë vend?!

Çështja e detit është rikthyer në vëmendje të opinionit publik ku opozita akuzon kryeministrin Edi Rama se i ka falur detin Greqisë, por kreu i qeverisë ka deklaruar se një gjë e tillë nuk është e vërtetë, por çështja do të gjykohet nga një Gjykatë Ndërkombëtare.

 

View this post on Instagram

A post shared by Erion Braçe (@erionbrace)

B.K./b.ha./Shqiptarja.com

TAG:
• Ilir Meta
• lulzim basha
• Erion Braçe
• ceshtja e detit