Ish-deputeti i LSI-së, Endrit Braimllari ka reaguar për prezantimin e Njësisë Speciale kundër “KÇK” duke e cilësuar si prezantimin e 'Policisë që duam'. Sipas Braimllarit i vetmi ndryshim është emri.

Ai hedh akuza duke thënë se policia ka përfunduar e gjitha në përgjime kriminale të trafikut të drogës dhe kështu sipas tij është edhe “KÇK”.

"Prezantohet me te madhe ne opinionin publik njesia speciale kunder “KÇK” njesoj siç prezantohej vite me para “Policia qe duam”. Atehere flitej per zbatim ligji, per luften kunder krimit te organizuar njesoj si tani, vetem me nje ndryshim ne emertim. “Policia qe duam” perfundoi e tera ne rrjetin e pergjimeve te partnereve, ku drejtues te larte policie me suportin e drejtperdrejte te qeverise jo vetem benin trafik droge por edhe numeronin ne terren rrenjet e hashashit. Policia qe duam sherbente per te arrestuar qytetare te pafajshem, te varfer dhe nga ana tjeter drejtuesit e policise vazhdonin me bekimin e qeverise, trafikun e droges per te mbushur Europen me drog dhe krim duke e vendos Shqiperine lajmin kryesor ne Europe.

Sot “KÇK” nuk ka ndonje ndryshim se ne krye te “KÇK” eshte Edi Rama, eshte po ai qe shkaterroi vendin, eshte po ai qe urdheroi kanabizimin e vendit, forcoi grupet kriminale dhe e zhyti vendin ne pasiguri dhe krim. Nuk mundet “KÇK” e Sandrit, ne ate kohe keshilltar i sigurise ne Kryeministri sot Ministri me i paafte ne historin e Shqiperise, te luftoj krimin. Te gjithe: Kryeministri, Ministra, Kryetar Bashkie jane pjese e “KÇK” qe ne nje drejtesi te pavarur duhet te hetohen nga SPAK dhe jo nga struktura speciale e Edi Rames." shkruan Braimllari.