Braimllari: I kemi të gjitha mundësitë për të mos lejuar zgjedhje farse

Sekretari i Përgjithshëm i LSI-së, Endrit Braimllarin me anë të një postimi në 'Facebook' është shprehur se partitë opozitare nuk do të futen në zgjedhjet lokale. Ndër të tjera Braimllari ka thënë se opozita i ka të gjitha mundësitë për të mos lejuar zgjedhje farse.

Postimi i plotë:

Shqipërinë e ka destabilizuar, stabiliteti i krimit të organizuar që ka përfshirë qeverinë “Rama” dhe pjesën më të madhe të parlamentit. Stabiliteti i krimit që është përkrahur dhe frymëzuar nga Edi Rama po cënon të ardhmen evropiane të vendit. Opozita i ka të gjitha mundësitë për të mos lejuar zgjedhje farse në këtë vend që Rama të instalojë një regjim monist. Ne jemi të vendosur në rrugën tonë dhe kemi përkrahjen e jashtëzakonshme popullore. Zgjedhje pa opozitën nuk do ketë.

Revolta popullore do ta largojë këtë kryeministër antikombëtar që shkatërroi vendin, mbolli varfëri dhe krim, që largoi Shqipërinë nga BE dhe shkatërroi të gjithë jetën sociale në vend.

TAG:
• LSI
• endrit braimllari
• zgjedhjet lokale 2019