POP 5

Lajmet më të lexuara të 5 minutave të fundit

Sociale

Braktiset Dilbinishti, fshati piktoresk i Kurbinit! Banorët: S’kemi rrugë, ujë, drita dhe as shkollë

Rruga e pa asfaltuar, mungesa e një shkolle dhe problemet me furnizimin me ujë e drita po çojnë drejt shpopullimit fshatin piktoresh të Dilbnishit në Kurbin, ku ndodhet dhe kisha e vjetër monument kulture

Vetëm 5 kilometra nga qendra e Laçit ndodhet fshati piktoresk Dilbnisht. Këtu ndodhet dhe kisha e vjetër monument kulture që deri para një shekulli shërbeu si Arqipeshkvia e Durrësit. Objekti është tashmë në restaurim nga Bashkimi Europian, ndërsa fshati vuan mungesën e infrastrukturës.

‘Rruga e prishur është problemi kryesor, drita që ikin sa herë bie shi e fryn erë. Mungesa e ujit të pijshëm, pjesa më e madhe kemi puse, se është djeg pompa e ujësjellësit. Ujë për vaditje aspak. Këtu jeta është e vështirë s’ka punë’.- u shpreh një banor.

Fshati që deri para viteve 90 kishte 120 familje, tashmë është përgjysmuar.

‘Shumë kanë ikur, edhe shkolla u mbyll para tre vitesh. Nga 120 familje, kanë mbetur 65-70 shtëpi”. Unë për vetë dy djem i kam në Itali’.- tha një tjetër.

Mbyllja e shkollës 3 vite më parë po detyron të tjera familje të emigrojnë.

‘Ka qenë shkolla 9-vjeçare por u mbyll, tani tre fëmijët i çoj çdo ditë në Laç për të mësuar. Shteti nuk vë dorë as rrugë s’kemi, asgjë. Të gjithë janë duke ikur. Edhe unë pres të gjej ndonjë mundësi me ik, se a çohen fëmijët çdo ditë në këmbë?’- u shpreh një banor.

Mungesa e investimeve dhe e punësimit po çon drejt shpopullimit jo vetëm Dilbnishtin por të gjithë fshatrat e Malësisë së Kurbinit.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu