Brataj në 'Repolitix': Në nëntor-dhjetor do kemi rritje të të infektuarve me COVID-19, shifrat mund të kapin edhe mbi 1000 raste ditore

Muajt nëntor dhe dhjetor do të ketë rritje të rasteve edhe mbi 1000 të të infektuarve në ditë dhe për këtë duhet një ndërgjegjësim sa më i madh i qytetarëve në mënyrë që të parandalohet  sa më shumë përhapja e COVID-19.  Kështu u shpreh shefi i Urgjencës Kombëtare, Skënder Brataj në emisioni "Repolitix", i cili tha se në dy muaj në vazhdim mund të kemi edhe rritje të rasteve të infektimeve ditore edhe mbi 1000 raste. Brataj tha se ende nuk jemi në kulmin e valës së dytë, pasi shifrat janë ende në rritje.

"Është rritur përhapja e infeksioni dhe është normale me kushtet e pandemisë që ndodhemi dhe këto shifra priteshin të vinin. Testimi tregon përhapjen e infeksioni dhe dihet që një % e këtyre të infektuarve kthehen në pacientë në spitale. Përderisa ka rritje të shifrave ende nuk kemi arritur kulmin e valës së dytë, deri sa numrat janë ende në rritje nëntori dhe dhjetori do të kemi rritje, që mund të kalojnë edhe numrin mbi 1000 të prekur në ditë", tha Brataj.

Edhe për epidemiologun Ilir Alimehmeti kemi një rritje të lartë të shifrave, ndërsa shtoi se nëse do të bëheshin 4 mijë testime, shifra mbi 1000 të infektuar mund të kishte dalë që sot.

"Shifra është në rritje, pozitiviteti i testeve është i lartë, është 30 % dhe po të ishim bërë 4 mijë teste edhe sot mund të kishte dalë mbi 1000 raste në ditë ", tha Alimehmeti.

Gjatë ditës së sotme janë shënuar 786 raste pozitive në 24 orët e fundit, ndërsa u shënuan 11 viktima.

/r.k./Shqiptarja.com

TAG:
• Skender Brataj
• Koronavirus
• koronavirus ne shqiperi
• ilir alihmehmeti