Luiz Inácio "Lula" da Silva pritet të bëjë betimin si presidenti i ri i Brazilit sot pasi kërcënimet për dhunë u shfaqën nga mbështetësit e paraardhësit të tij, Jair Bolsonaro. Politikani 76-vjeçar, duke u rikthyer në presidencë pas një pauze 12-vjeçare, është planifikuar të mbërrijë me gruan e tij Rosangela da Silva në Katedralen Metropolitane në Brasilia dhe të shkojë në kongres ku do të zhvillohet një seancë formale.
Pas kësaj, presidenti i sapo inauguruar dhe zonja e parë do të marrin pjesë në një paradë të hapur makinash dhe më pas në një ceremoni ushtarake jashtë pallatit presidencial. Më pas Lula do të mbajë fjalimin e tij të parë publik të mandatit të tij si udhëheqës i ri i Brazilit.
Në këtë ceremoni dallohet mungesa e Bolsonaro, i cili u largua nga Brazili për në Florida të premten dhe nuk specifikoi datën e kthimit të tij. Ish-zëvendëspresidenti i Bolsonaro, Hamilton Mourao, iu drejtua kombit në një fjalim në televizionin kombëtar këtë të shtunë, në ditën e fundit të qeverisë së tij dhe kritikoi liderët, heshtja e të cilëve krijoi "një atmosferë kaosi".
Lula da Silva fitoi një balotazh të ngushtë më 30 tetor, në një rikthim mahnitës që shënoi rikthimin e së majtës në pushtet në Brazil pas katër viteve të administrimit të ekstremit të djathtë të Bolsonaro.
Ai erdhi në pushtet pas një sërë akuzash për korrupsion që e çuan në burgim për 580 ditë. Gjykata e Lartë më vonë e shpalli të pafajshëm, duke hapur rrugën e tij për të kandiduar për rizgjedhje. Ky do të jetë mandati i tij i tretë, pasi më parë ka qeverisur Brazilin për dy mandate radhazi midis 2003 dhe 2010.
Kërcënime për dhune
Dhuna e ka pushtuar vendin me Bolsonaron i cili ende nuk ka pranuar në mënyrë eksplicite humbjen e tij në zgjedhje, pavarësisht se administrata e tij tha se po bashkëpunon për tranzicionin e pushtetit. Prezenca e forcave të sigurisë në inaugurimin e Lula da Silvës do të jetë e lartë, pasi rreth 8,000 agjentë sigurie nga disa forca policie janë mobilizuar këtë të diel, sipas departamentit të sigurisë të Qarkut Federal. Më herët të dielën, një burrë u arrestua në Brasilia nga policia ushtarake pasi u kap duke u përpjekur të futej në festën e inaugurimit me thikë dhe fishekzjarrë.
Një gjykatës i Gjykatës së Lartë braziliane të mërkurën urdhëroi një ndalim katër-ditor të mbajtjes së armëve të zjarrit në kryeqytet që do të zgjasë deri në fund të së dielës, si masë paraprake përpara ceremonisë. Ai nuk do të zbatohet për anëtarët aktivë të forcave të armatosura, policët dhe rojet private të sigurisë, shkroi gjyqtari Alexandre de Moraes.
Lajme të tjera
-
Fotoja e papublikuar më parë, zbulohet një fis i ri njerëzish në pyjet e Amazonës
22 Dhjetor, 20:19 -
Tragjedi rrugore në Brazil, autobusi përplaset me kamionin, 32 të vdekur dhe 13 të plagosur deri tani
21 Dhjetor, 21:22 -
Aksident tragjik në Brazil! 37 viktima, mes tyre 1 fëmijë, dhjetëra të plagosur
21 Dhjetor, 17:45 -
Këngëtarja Adele akuzohet për plagjiaturë, Gjykata Braziliane kërkon tërheqjen e këngës 'Million Years Ago'
18 Dhjetor, 15:33 -
Pema gjigante në Rio de Zhaneiro rrëzohet nga stuhia, vdes 1 person, plagosen 2 të tjerë (VIDEO)
17 Dhjetor, 16:19 -
VIDEO/ Adriano i jep lamtumirën futbollit, s'i mban lotët kur dëgjon mesazhin e babait të ndjerë
16 Dhjetor, 21:22 -
Brazil/ Ndërron jetë në palestër, bodybuilderi 28-vjeçar pësoi atak kardiak
29 Nëntor, 13:32 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Brazil/ Policia akuzon ish-presidentin Bolsonaro për komplot për grusht shteti
22 Nëntor, 10:40 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Zonja e parë e Brazilit ofendon rëndë Elon Musk: F**k you (VIDEO)
18 Nëntor, 18:45 -
GOLAT/ Argjentina me Messin mundet në udhëtim, Vinicius humbet 11 metërshin në barazimin e Brazilit
15 Nëntor, 08:36
