Agjencia e Bashkimit Evropian për Zbatim të Ligjit (EUROPOL) njofton se gjatë bastisjeve të kryera më 5 tetor në Brazil janë kapur anëtarë të organizatës kriminale ‘Primeiro Comando da Capital’ e udhëhequr nga një serb. Kjo organizatë trafikonte kokainë midis Brazilit dhe Evropës
“Kreu serb ishte një nga objektivat më të rëndësishëm të Task Forcës së Europolit që merret me trafikantët ballkanik të drogës ‘OTF Balkan Cartel’ për shkak të rolit të tij në organizimin e dërgesave të shumta të drogës ndërmjet kontinenteve”, thuhet në komunikatën e publikuar të premtën nga EUROPOL-i.
Hetimi ishte një përpjekje bashkëpunuese midis autoriteteve të zbatimit të ligjit në të dyja anët e Oqeanit Atlantik.
“Hetuesit brazilianë ishin në gjendje ta kapin këtë bandë kriminale me dy konfiskimet e fundit të kokainës: një me 5.7 ton kokainë në bordin e një anije peshkimi në Cape Verde në prill të vitit 2022 dhe dërgesa e dytë me 1.3 ton kokainë në bordin e një anije peshkimi në Fortaleza të Brazilit, në gusht të vitit 2022. Në këto dy raste u arrestuan gjithsej 12 të dyshuar – 10 shtetas brazilianë dhe 2 shtetas malazezë”, thuhet më tej në komunikatën e EUROPOL-it.
Agjencia Evropiane për Zbatimin e Ligjit ka shënuar sukses në luftën kundër organizatave kriminale që kur arriti të deshifrojë aplikacionin për mesazhe telefonike Sky – ECC, një mjet i preferuar komunikimi i trafikantëve të kokainës në Evropë. Në maj të këtij viti një operacion ndërkombëtar i kryer nga Serbia, Holanda dhe Belgjika ka rezultuar në goditjen e organizatës më të madhe kriminale të trafikut të drogës në rajonin e Ballkanit.
Komunikata e 11 majit e EUROPOL-it thoshte se qëllimi i bastisjeve të kryera ishte “të kapej udhëheqësi i kartelit si dhe të shkatërrohej infrastruktura e shpërndarjes. Shtatë anëtarë të tjerë të kësaj organizate kriminale ishin arrestuar në Belgjikë në vitin 2021”.
Po në maj, revista e së dielës e gazetës Nju Jork Tajms publikoi një artikull të gjatë ku përshkruan me detaje krime të kryera nga banda e Veljko Belivukut, kreu i grupit të tifozëve të ekipit të futbollit, Partizani i Beogradit, kapja e të cilit gjithashtu u bë e mundur pas zbulimit të mesazheve të aplikacionit Sky-ECC. Aty u përfolën edhe lidhjet e dyshuara në mes të Presidentit serb Aleksandar Vuçiç dhe bandës së Belivukut.
Menjëherë pas publikimit të artikullit në Nju Jork Tajms, autori i tekstit Robert F. Worth i tha Zërit të Amerikës se agjentët evropianë “ende po i hetojnë mesazhet që kanë deshifruar. Pra, mendoj se ka shumë të tjera që nuk janë raportuar ende”.
“Këto arrestime në Brazil shënojnë një fitore të rëndësishme në luftën kundër grupeve kriminale të Ballkanit Perëndimor që veprojnë në mbarë globin”, thotë komunikata e së premtës e EUROPOL-it.
“Provat e mbledhura gjatë bastisjeve tani do të analizohen për të identifikuar pistat e reja hetimore që mund të zhvillohen më tej brenda Task Forcës Operacionale ‘Balkan Cartel’, e cila përbëhet nga autoritetet e zbatimit të ligjit në 11 vende”, thuhet në fund të komunikatës.
Autoritetet që morën pjesë në këtë hetim ishin Policia Federale dhe Marina e Brazilit, Policia Kombëtare në Cape Verde, Drejtoria e Policisë Kriminale të Serbisë, Agjencia Kombëtare britanike e Krimit (NCA), Administrata Amerikane Kundër Drogës (DEA) dhe EUROPOL-i./VOA
Lajme të tjera
-
Brazil/ Policia akuzon ish-presidentin Bolsonaro për komplot për grusht shteti
22 Nëntor, 10:40 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Tiranë/ Ishte dënuar me 8 vite burgim për drogë në Shkodër, vdes te Onkologjiku i QSUT-së italiani 64-vjeçar! Pësoi arrest kardiak
19 Nëntor, 15:04 -
I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)
19 Nëntor, 09:41 -
Zonja e parë e Brazilit ofendon rëndë Elon Musk: F**k you (VIDEO)
18 Nëntor, 18:45 -
Itali/ 26-vjeçari vdes pasi thithi tullumbacen me azot, po festonte ditëlindjen me shokët, konsumoi ‘drogën e të qeshurës’
18 Nëntor, 14:03 -
GOLAT/ Argjentina me Messin mundet në udhëtim, Vinicius humbet 11 metërshin në barazimin e Brazilit
15 Nëntor, 08:36 -
Gjirokastër/ Trafiku i drogës dhe klandestinëve drejt Greqisë, ‘Crossborder’ godet grupin me 11 persona! 4 të arrestuar, 5 në kërkim dhe 2 nën hetim (VIDEO)
14 Nëntor, 13:21 -
Shisnin drogë në qytetin e Vlorës dhe të Fierit, 11 të arrestuar, 2 të tjerë në kërkim, një i mitur nën hetim! Si funksiononte organizata (EMRAT+VIDEO)
12 Nëntor, 13:39 -
Braziliani kapet me 2 kilogramë kokainë në Aeroportin e Shkupit, i kishte fshehur në valixhe! Arrestohen dhe dy vëllezërit nga Struga
10 Nëntor, 17:25 -
Ndihmonte kriminelët të shkarkonin drogën nga Ekuadori, arrestohet shefi i Krimit Ekonomik në Spanjë! I gjenden 20 mln euro cash, 8 prej tyre i fshehu në mur (VIDEO)
10 Nëntor, 15:52
