POP 5

Lajmet më të lexuara të 5 minutave të fundit

Sport

Brazili feston me polemika: 'Messi nuk di të humbasë, të këtë respekt'

Trajneri Tite dhe mbrojtësit Thiago Silva e Marquinhos sulmojnë kapitenin e Argjentinës duke deklaruar se ai nuk di të sillet kur humbet dhe i kanë kërkuar respekt për Seleçaon.

Brazili feston me polemika: 'Messi nuk di të humbasë, të këtë respekt'

Brazili ka fituar "Copa America" për herë të 9-të në histori pasi mposhti 3-1 Perunë në finalen e Maracana. Pasi Kupa u rikthye në Brazil pas 12 vitesh në vend ka shpërthyer festa, por protagonistët e suksesit kanë dashur t’i përgjigjen edhe Leo Messit. Kapiteni i Argjentinës me reagime të ashpra vuri në dyshim rregullsinë e turneut.

I pari që i është përgjigjur ka qenë trajneri i Seleçaos Tite i cili ka thënë :” Messi nuk di të humbasë. Ai është një lojtar i jashtëzakonshëm, por duhet të ketë më shumë respekt dhe duhet ta pranojë kur humbet. Jam dakord me Leon që kartoni i kuq që ai morri ndaj Kilit nuk ishte, por ndaj nesh çdo gjë ishte korrekte” e mbyll Tite.

Më i ashpër ka qenë mbrojtësi Thiago Silva i cili nuk ka harruar humbjen 6-1 që ka pësuar PSG-ja e tij ndaj Barcelonës dhe thotë :” Është e vështirë të komentosh pasi kur dikush humbet përpiqet të heqë përgjegjësinë. Kur Barcelona fitoi 6-1 ndaj PSG-së me një arbitrim skandaloz asnjëri nuk akuzoi. Duhet respektuar historia. Ne kemi 5 yje dhe asnjë nuk e kemi vjedhur” nënvizoi Thiago Silva.

Në të njëjtën linjë është shoku i skuadrës Marquinhos:” Është stresuese të dëgjosh të tilla gjëra nga një lojtar si Messi që adhurohet nga të gjithë. Arbitrat shpesh herë kanë marrë vendime në favor të Barcelonës apo edhe Argjentinës dhe askush nuk ka folur për korrupsion. Messi ka humbur dhe duhet ta pranojë” e mbyll kampioni i freskët i Amerikës së Jugut. Dani Alves është përzgjedhur si lojtari më i mirë i "Copa America"./Përgatiti Andi Kapxhiu

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49