Ministria e Integrimit, Majlinda Bregu, pa “teknikë” europiane, sulmon bashkëshorten e Edi Ramës në statuse Facebooku.

“Linda Rama, bashkëshortja e kryetarit të opozitës, po punon si eskperte e MSA (marrëveshja e stabilizim asociimit) pranë Ministrisë së Integrimit në Kosovë. Sikur ta dinim që znj. Rama, ishte eksperte për integrimin në BE, mund ta kishim marrë dhe ne, për të na dhënë asistencë për votimin e 3 ligjeve nga opozita që drejton bashkëshorti I saj!

Nuk e di sa do të paguhet në Kosovë, por për të na ndihmuar ne që të bindnim Edi Ramën të votonte tre ligjet, mund edhe të kishim dialoguar…!!!

Ky është komenti ironic I Ministres së Integrimit të Shqipërisë, pas lajmit të punësimit të Linda Ramës, bashkëshortes së kryetarit të Partisë Socialiste në Prishtinë, si trainuese për Marrëveshjen e Stabilizim Asociimit, pranë Ministrisë së Integrimit Europian të Republikës së Kosovës.

Shkrimi u publikua sot në gazetën Shqiptarja.com(print), 27 mars 2013
(ad.ti/shqiptarja.com)