Rrebesh shiu dhe breshër në Fier, dëmtohen të mbjellat e fermerëve: Na u shkatërrua i gjithë mundi në 30 minuta (Video)

Reshjet e shiut dhe breshri kanë pushtuar qytetin e Fierit mesditën e sotme. Ka mjaftuar vetëm 30 minuta për të shkaktuar dëme të mëdha në kulturat bujqësore dhe pemët frutore në zonën e Kafaraj në Fier.

Fermerët kanë pohuar se rrebeshet e kësaj periudhe janë tepër të dëmshme veçanërisht në bujqësi dhe pemëtari. Në pamjet që sjell Report Tv nga fshati Adë në njësinë administrative Frakull, shihet breshër i përmasave të mëdha. 

Për report Tv, fermerët Nesti Troka dhe Ilir Zanaj rrëfejnë dëmët e mëdha në nektarina dhe luleshtrydhe dhe kërkojnë ndihmë nga shteti.

"E shikoni si e ka bërë këtu. Është plagë kjo. Plagët nesër do të duken se kjo është e freskët. Shiko si e ka bërë breshëri. Nesër do të nxihet kjo se është e çarë, është e çarë lëkura. Dëm kolosal", u shpreh fermeri Nesti Troka.

"Këtu janë 5 dynym luleshtrydhe, breshëri i ka shkatërruar komplet. Siç e shikoni edhe gjethen e ka rrjepur, kokrra është për faqe të zezë. Edhe lule nuk ka më, i ka shkatërruar komplet. Kokrra ka rënë dhe është kalbur, edhe ajo që ka në bimë është kalbur”,-tha fermeri Ilir Zanaj.

Kjo situatë i ka shqetësuar së tepërmi pasi i gjithë investimi i tyre shkoi dëm vetëm për disa minuta ndërkohë që bujqësia është i vetmi burim që ata kanë për të siguruar jetesën. 

Kohët e fundit, moti në vendin tonë ka qenë i paqëndrueshëm ku në varësi të ditëve herë ka mbizotëruar dielli dhe temperaturat e larta ndërsa gerë të tjera reshjet e shiut. 

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Frrok Çupi: Kush do të vritej dje në Bashki?

Frrok Çupi: Kush do të vritej dje në Bashki?