Ditën e djeshme më në fund është arritur marrëveshja tregtare post Brexit, finalizimin e saj e kanë mirëpritur edhe krerët e shteteve evropiane.
Kancelaria e Gjermanisë Angela Merkel ka reaguar për arritjen historike të kësaj marrëveshje. “Me marrëveshjen ne krijojmë bazën e një kapitulli të ri të marrëdhënies sonë. Britania e Madhe do të mbetet një partner i rëndësishëm i Gjermanisë, ashtu edhe i BE-së, edhe përse ndodhet jashtë Evropës”.
“Marrëveshja me Britaninë se Madhe është esenciale. Përmes saj ne do të mbrojmë qytetarët, peshkatarët dhe prodhuesit tanë”, tha presidenti francez Emmanuel Macron.
![](https://shqiptarja.com/template/img/NO_ALFA_Kuadrate shqiptarja.png)
Giuseppe Conte, kryeministri Italian ka shprehur gjithashtu urimet e tij për arritjen e kësaj marrëveshje duke thënë se Britania do të jetë një partner i rëndësishëm për Italinë edhe BE.
“Ne e mirëpresim marrëveshjen midis BE-së dhe Britanisë së Madhe. Urime Michel Barnier, Ursula von der Leyen dhe ekipet e tyre. Spanja dhe Britania e madhe do të vazhdojnë dialogun për të arritur marrëveshjen mbi Gjibraltarin”, tha kryeministri i Spanjës Pedro Sanchez.
Antonio Costa, kryeministri i Portugalisë tha se “Ne mirëpresim ngrohtësisht marrëveshjen e arritur me Mbretërinë e Bashkuar mbi marrëdhëniet me BE nga 1 janari. Mbretëria e Bashkuar do të mbetet një aleat dhe një partner i rëndësishëm për ne.Ky është një lajm I shkëlqyer se një marrëveshje mbi një partneritet të ri mes BE-së dhe Britanisë është arritur pas negociatave të vështira. Unë e mirëpres marrëveshjen që Michel Barnier dhe Ursula von der Leyen kanë negociuar me Mbretërinë e Bashkuar. Ajo ofron perspektivë për të ruajtur marrëdhënien tonë të fortë me Mbretërinë e Bashkuar pas Brexit.
"Në fund të fundit, ka vetëm një gjë që ka rëndësi për mua, sigurimi i mbrojtjes më të mirë të mundshme për interesat ekonomike të Belgjikës. Ne duhet t'i mbrojmë kompanitë tona belge nga konkurrenca e pandershme britanike”, tha kryeministri I Belgjikës Alexander De Croo.
"Kjo marrëveshje do të mbrojë interesat e kompanive dhe qytetarëve rumunë - objektivat kryesore të Rumanisë gjatë këtyre negociatave", ka thënë presidenti I Rumanisë Klaus Iohannis.
"Lajm i mirë për të dyja palët. Faleminderit për Ursula von der Leyen dhe Michel Barnier”, tha Igor Matoviç kryeministri I Sllovakisë.
"Jam shumë i lumtur që negociatat më në fund çuan në një rezultat. Një marrëveshje midis BE dhe Britanisë është një themel i rëndësishëm për marrëdhëniet tona të ardhshme.", tha Stefan Lofven kryeministri I Suedisë.
Pas muajsh të tëra konfliktesh Mbretëria e Bashkuar dhe Bashkimi Evropian kanë rënë dakord për një marrëveshje tregtare pas Brexit. Marrëveshja do të jetë një lehtësim i madh për bizneset dhe publikun mes shqetësimeve për një skenar pa marrëveshje, i cili do të kishte prishur historikisht lidhje të ngushta tregtare nga fillimi i vitit të ardhshëm.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)