Britania do t’i japë Ukrainës 2.4 miliardë dollarë hua për blerjen e më shumë sisteme armësh, njoftoi sekretari i Mbrojtjes, John Healey, më 22 tetor.
Njoftimi vjen në kohën kur forcat e Kievit po përballen me luftime të ashpra me forcat ruse në lindje, ndërkaq përditë qytetet dhe infrastruktura ukrainase është cak i sulmeve ajrore.
Shuma e huas që Healey përmendi është pjesë e një huaje më të madhe në vlerë prej 50 miliardë dollarësh për Ukrainën që u bë publike në qershor nga Grupi i shtatë shteteve më të industrializuara (G7).
Paratë e kësaj huaje do të merren nga paratë e gjeneruara nga asetet e ngrira sovrane ruse në Perëndim, pasi Moska nisi pushtimin e Ukrainës në shkurt të vitit 2022. Asetet e ngrira ruse vlerësohet se arrijnë shumën prej 300 miliardë dollarësh.
Huaja është “e destinuar si mbështetje buxhetore për shpenzimet ushtarake të Ukrainës, duke u mundësuar ukrainasve të investojnë në pajisje kyçe për përpjekjet e tyre kundër Rusisë, sikurse mbrojtja ajrore, artileria dhe pajisje të tjera”, tha Healey përmes një deklarate të publikuar nga Qeveria britanike.
Kjo hua është shumë shtesë në kuadër të programit ekzistues të Britanisë për mbështetje vjetore ushtarake për Ukrainën në vlerë prej 3.9 miliardë dollarësh dhe vjen pasi Londra veçse ka dhënë 16 miliardë dollarë në formë të mbështetjes ushtarake, ekonomike dhe humanitare për Kievin.
Rusia ka thënë se përdorimi i aseteve të saj të ngrira është i paligjshëm dhe ka paralajmëruar se do të hakmerret./REL
Lajme të tjera
-
Walesa: Rusia do ta sulmonte Poloninë, e jo Ukrainën, po të mos ishte në NATO
26 Tetor, 19:15 -
Pesë të vrarë nga sulmet ruse në Ukrainë
26 Tetor, 11:31 -
Ukraina/ Zelensky anulon vizitën e Guterres në Kiev pas takimit me Putin! SHBA për koreano-veriorët në Rusi: Tregon dëshpërimin e Putin
25 Tetor, 16:51 -
Ukraina: Ushtarët koreanoveriorë janë dislokuar në Kursk të Rusisë
25 Tetor, 07:14 -
Presidenti rus Putin pret samitin e zgjeruar të BRICS
22 Tetor, 18:52 -
Lufta në Ukrainë/Zelensky: Bisedimet e paqes me Moskën do të varen nga zgjedhjet në SHBA
22 Tetor, 16:40 -
Lufta në Ukrainë/ Koreja e Veriut: Ne nuk kemi dërguar ushtarë në Rusi
22 Tetor, 11:13 -
Lufta/ Rutte: Me dërgimin e ushtarëve të Koresë së Veriut në Ukrainë ekziston rreziku i përshkallëzimit
21 Tetor, 11:20 -
Kievi sulmon me 110 dronë disa rajone ruse, objektiv edhe fabrikat e armëve! Moska e konfirmon, por thotë se i rrëzoi
20 Tetor, 16:14 -
Diplomatja amerikane i ofron përkrahje Kievit për ta luftuar korrupsionin
19 Tetor, 21:50 -
Franca premton mbështetje për planin e Ukrainës për t’i dhënë fund pushtimit rus
19 Tetor, 15:13 -
Lufta/ Media ruse: Forcat ukrainase sulm me dronë në Shën Petersburg
19 Tetor, 14:33
