Britania e Madhe ka publikuar bilancin e emigrantëve të cilët kaluan në Kanalin e La Manshit gjatë vitit 2022.
Sipas shifrave të qeverisë, gjithsej 45,756 emigrantë kaluan Kanalin Anglez dhe kaluan në Britani , duke përfshirë 90 persona që bënë udhëtimin nga Franca me dy anije në ditën e Krishtlindjes .
Ministria e Mbrojtjes nuk regjistroi incidente të tjera të ngjashme gjatë gjashtë ditëve të mbetura të vitit 2022 kur kushtet atmosferike ishin të pafavorshme.
Zyrtarët e Home Office vlerësojnë se deri në 60,000 njerëz ka të ngjarë të kalojnë Kanalin gjatë vitit të ri. Politikanët janë përpjekur të kontrollojnë krizën e migracionit gjatë vitit të kaluar teksa tensionet rriten mes paqëndrueshmërisë politike me tre kryeministra dhe tre ministra të brendshëm të zëvendësuar në një hapësirë të shkurtër kohore.
Sekretarja e Brendshme Suella Braverman, e cila njihet për qëndrimin e saj të ashpër ndaj emigracionit, ka folur për "ëndrrën" e saj për të parë realizimin e planit të qeverisë britanike për të dërguar refugjatë në Ruandë.
Gjykata e Lartë në Londër ka vendosur se ky plan është i ligjshëm, por ende nuk është zbatuar për shkak të proceseve ligjore në pritje. Që nga nënshkrimi i marrëveshjes në prill, 40,460 emigrantë kanë mbërritur në Mbretërinë e Bashkuar duke kaluar Kanalin Anglez.
Kujtojmë se Qeveria britanike ka arritur marrëveshje me Shqipërinë për emigrantët e paligjshëm. Kryeministri britanik Rishi Sunak bëri publike marrëveshjen për frenimin e emigracionit shqiptar, e cila do të përshpejtojë deportimet. Sunak në Parlament tha se 1/3 e azilkërkuesve janë shqiptarë, të një vendi të begatë e të sigurt, teksa njoftoi se 400 specialistë britanikë do të zbarkojnë në Rinas për të ndalur emigrantët.
Ky plan masash erdhi pas bisedës telefonike që pati Sunak me kryeministrin Edi Rama. Tema e shqiptarëve në Britani të Madhe ka qenë tepër e lakuar duke kujtuar këtu debatin që ka përfshirë vendin mbi numrin e emigrantëve të paligjshëm që mbërrijnë me varka nëpërmjet kanalit të ‘La Manshit’. Kjo nxiti reagimin e madh nga ana e shqiptarëve në Britani të Madhe, të cilët organizuan edhe protestë të madhe në Londër, ku kërkuan që ministrja e brendshme, Suella Braverman t’u kërkonte ndjesë.
Lajme të tjera
-
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Takimi me emigrantët, Majko: Dy ditë në Londrën shqiptare, ka gjithmonë shpresë kur ka njerëz që Atdheun e kanë të parin!
24 Nëntor, 20:07 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Dronë misteriozë shihen mbi 3 baza amerikane në Britani
24 Nëntor, 07:41 -
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Zbulohen detajet e testamentit të Liam Payne, kush do ta trashëgojë pjesën më të madhe të pasurisë së tij?
22 Nëntor, 14:49 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Cilat vende e kanë ndaluar TikTok-un dhe pse?
20 Nëntor, 22:33 -
Marrëveshja me Italinë për emigrantët, avokati Hasani për Report Tv: Nuk dihet nëse do të funksionojë! Qeveria britanike po shqyrton paktin e mëparshëm me Shqipërinë
20 Nëntor, 12:23
