Broja dhe Abazaj probleme fizike, Gjimshiti dhe Balliu nuk lejohen nga klubet! Edy Reja ndryshon listën e Kombëtares para Italisë

Broja dhe Abazaj probleme fizike, Gjimshiti dhe Balliu nuk lejohen nga klubet! Edy Reja ndryshon listën e Kombëtares para Italisë

Kombëtarja kuqezi

Kombëtarja shqiptare e futbollit luan në 16 nëntor miqësoren me Italinë dhe në 19 nëntor sërish një miqësore me Armeninë, të dyja në "Arenën Kombëtare" në Tiranë. Për këtë duel, trajneri Edy Reja ka ndryshuar listën fillestare të lojtarëve të grumbulluar.

Mbrojtësit Berat Gjimshiti dhe Ivan Balliu nuk janë lejuar të bashkohen me kuqezinjtë nga klubet e Atalantës dhe Rayo Vallecano, me arsyetimin se lojtarët kanë probleme fizike dhe kjo kohë pauze do shërbejë për rikuperimin e plotë të tyre.

Në stërvitjen e parë të Kombëtares në Durrës, Armando Broja dhe Kristal Abazaj kanë kryer vrapime të lehta pas problemeve fizike. Konsulta me mjekët do tregojë nëse dyshja do jetë e gatshme për të luajtur në dy miqësoret. Duke parë këtë problematikë, trajneri Reja ka marrë në ekip dy lojtarët e Partizanit, sulmuesit Tedi Cara dhe Xhuliano Skuka.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Gazment, rrugës për në SPAK merr edhe këto letra me vete

Gazment, rrugës për në SPAK merr edhe këto letra me vete