Broja në tribunë, Salihi shpjegon zgjedhjen e Rejës para Anglisë: Në respekt të futbollistëve të tjerë

Ndihmësi i trajneri Edy Reja, Hamdi salihi, ka shpjeguar disa zgjedhje që trajneri ka bërë për formacionin ndaj Anglisë. Salihi ka shpjeguar si për portën ashtu edhe për sulmin ku Broja është lënë jashtë. Sipas ish-bomberit ishte një zgjedhje e trajnerit në respekt të futbollistëve të tjerë.

“Pse Strakosha? Sa për zgjedhjen në portë, trajneri ka vendosur që para se të fillonte kompeticioni që ti balanconte e të ishin portierët aktive, se porta rrallë ndërrohet e duhet t’i jepet mundësi që të luajnë, janë të dy shumë të mirë dhe zgjedhja është bërë për të balancuar prezencat.

Si Bajrami, si Uzuni, jemi munduar të fusim në lojë që dinë të punojnë në mesfushë e ndihmojnë, por të bëhen edhe të rrezikshëm në pjesën ofensive.

LEXO EDHE:
Shorti i Botërorit/ Prodani në ‘Studio Live’: UEFA gaboi me shortin e Shqipërisë, s’duhet t’i kemi frikë! Serbia ‘armiku ynë’, shans për të bërë histori! Seitllari: Duka rrudhi buzët

Deri ditën e fundit trajneri ka qenë në mëdyshje për shumë lojtarë. Edhe Laçi mund të ishte një prej tyre, por në fund mendoi të luante me Gjasulën e Baren, për t’iu përshtatur edhe kundërshtarit e përfituar nga shtatlartësia e tij se kemi nevojë për shtatlartësinë në fushë.

Broja vetëm dje iu bashkua ekipit duke bërë stërvitje te lehtë. Për fat të mirë e ka mirë kaviljen dhe nuk ka problem. Por ishte zgjedhja e trajnerit meqë ka qenë larg ekipit, në respekt të lojtarëve të tjerë që u stërvitën çdo ditë. Ka vendosur që ai të rikuperojë për ndeshjen me Andorrën,”- tha Salihi për 'Super Sport.

TAG:
• kombetarja
• anglia
• katar 2022

Sondazhi i ditës:

Si ka qene per ju viti 2024?

• I mire

  43.8%

• I keq

  22.8%

• As i mire as i keq

  33.4%

Vota total: 1518

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq