POP 5

Lajmet më të lexuara të 5 minutave të fundit

Sport

Broja zgjedhja e parë e Milanit për sulmin, fati i shqiptarit varet nga shkëmbimi Lukaku-Vlahoviç

Milani është në kërkim të një sulmuesi dhe shqiptari Armando Broja është zgjedhja e parë e kuqezinjve. Vetë CEO i italianëve Furlani po angazhohet në këtë operacion merkatoje që varet edhe nga shkëmbimi Lukaku-Vlahovic

Merkato e Milanit nuk është mbyllur. Kuqezinjtë janë në kërkim të një sulmuesi dhe zgjedhja e tyre e parë është shqiptari i Chelseat Armando Broja. Mediat italianë zbulojnë se një lëvizje e Brojës drejt Serisë A tek Milani varet shumë edhe nga tratativa mes Juventusit e Chelseat për shkëmbimin Lukaku-Vlahovic.

Nëse serbi Vlahovic do të transferoihej në Londër atëherë Chelsea do të lironte Brojën për të kaluar tek Milani. Sulmuesi shqiptar është zgjedhja e parë për të zëvendësuar Olivier Giroud kur francezi ta ketë të nevojshme në një sezon të gjatë.

Vetë njeriu kryesor i merkatos së Milanit CEO Giorgio Furlani po interesohet për operacionin e merkatos ndërsa i vetmi dyshim i Milanit ka të bëjë me formën fizike të Brojës. 21-vjeçari ka pësuar një dëmtim të rëndë në dhjetor të vitit të kaluar dhe që nga ajo kohë nuk ka shkelur më në fushë. Broja po rikuperon nga dëmtimi ndërsa Milani shpreson në marrëdhëniet e mira që ka me drejtuesit e Chelseat që mund të favorizojë transferimin e Brojës në Milanon kuqezi. Formula do jetë huazim me të drejtë blerje.

Përgatiti Andi Kapxhiu

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Propozimi i PS, a na duhet një reformë e re anti-korrupsion?

Lajme të tjera



×

Lajmi i fundit

Zgjedhjet në Maqedoni, Fronti Europian: Jemi në avantazh 30 mijë vota mbi opozitën

Zgjedhjet në Maqedoni, Fronti Europian: Jemi në avantazh 30 mijë vota mbi opozitën

8 Maj, 20:48