Receta

Brokoli, lulelakër dhe karrota me krem në furrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 18 Mars 2022, 11:16 | Përditesimi: 18 Mars 2022, 11:17

Brokoli, lulelakër dhe karrota me krem në furrë

Përbërësit:

500 gr brokoli

LEXO EDHE:
Bakllava me kadaif dhe arra nga zonja Albana

500 gr lulelakër

2 karrota

2-3 lgj vaj ulliri

1 qepë e thatë

1 spec i kuq

80 gr miell

200 ml qumësht

125 ml pana

1 tufë majdanoz

7-8 domate qershi

3 kokrra vezë

Djathë kaçkavall të grirë

Kripë, piper i zi

Përgatitja:

Ndajmë lulelakrën dhe brokolin në bohçe të vogla ndërsa karrotat i presim pjerrtazi në rondele. Në një tenxhere me ujë të nxehtë me pak kripë vendosim karrotat dhe lulelakrën të ziejnë. Pas 5 minutave shtojmë dhe brokolin.

Ndërkohë në një tigan me pak vaj ulliri kaurdisim qepën e grirë imët. Sapo qepa të bëhet transparente shtojmë specin e kuq të prerë në shirita, vazhdojmë kaurdisjen duke shtuar pak kripë dhe piper.

Në një tas rrahim vezët me qumështin dhe miellin, rregullojmë shijen me kripë, piper dhe majdanoz të grirë.

Lyejmë një tavë me pak vaj (me furçë), vendosim perimet, qepën e kaurdisur me specin, domatet qershi të ndara përgjysmë, kremin me qumësht dhe vezë dhe në fund djathin e grirë kaçkavall. E vendosim tavën në furrë të parangrohur në temperaturën 180 gradë për 20 minuta.

MC/Shqiptarja.com

TAG: