POP 5

Lajmet më të lexuara të 5 minutave të fundit

Bota

Bruksel/ BE-ja rezervon 225 milionë doza të vaksinës potenciale antiCOVID-19 nga kompania gjermane 'CureVac'

Blerja fillestare do të jetë 225 milionë doza për llogari të shteteve anëtare të BE-së, pasi të tregohet efikasiteti dhe siguria e një vaksine

Bruksel/ BE-ja rezervon 225 milionë doza të vaksinës potenciale antiCOVID-19 nga kompania gjermane 'CureVac'

Komisioni Europian njoftoi sot se ka rezervuar 225 milionë doza të vaksinës potenciale kundër COVID-19 nga kompania bioteknike gjermane “CureVac”, marrëveshja e katërt e këtij lloji e arritur nga BE me laboratorët që po zhvillojnë vaksinat e mundshme.

“Diskutimet me “CureVac” do të duhet të përfundojnë me një kontratë për blerjen paraprake”, theksoi ekzekutivi europian në një komunikatë.

“Kontrata e parashikuar do të mundësojë për të gjitha shtetet anëtare të Bashkimit Europian të blejnë vaksinës dhe gjithashtu ta dhurojnë për vendet me të ardhura të ulëta apo mesatare apo ta transferojnë atë drejt vendeve europiane”, nënvizoi i njëjti burim.

Blerja fillestare do të jetë 225 milionë doza për llogari të shteteve anëtare të BE-së, pasi të tregohet efikasiteti dhe siguria e një vaksine.

Kjo është marrëveshja e katërt e arritur në kuadër të blerjes së vaksinave nga Komisioni Europian.

Brukseli ka rezervuar tashmë 300 milionë vaksina, në përgatitje nga francezi “Sanofi” dhe 400 milionë nga amerikani “Johnson & Johnson”.

Komisioni ka nënshkruar gjithashtu më 14 gusht një kontratë blerjeje paraprake me grupin farmaceutik “AstraZeneca” për 300 milionë doza, me një mundësi për 100 milionë doza shtesë.

Komisioni Europian po mban premtimin e tij për t’u siguruar europianëve dhe botës qasje të shpejtë në një vaksinë të sigurt që na mbron nga koronavirusi. Çdo cikël negociatash që ne kemi arritur me industrinë farmaceutike na sjell më afër fitores kundër këtij virusi”, përshëndeti presidentja e Komisionit Europian, Ursula von der Leyen.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cola: 20/08/2020 15:39

    Po te ma japin 3 milion neve te mbarurve ketu dhe te vieni rehat

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43