POP 5

Lajmet më të lexuara të 5 minutave të fundit

Kosova & Rajoni

Bruksel, fillon takimi i parë mes Kurtit dhe Vuçiç

Bruksel, fillon takimi i parë mes Kurtit dhe Vuçiç

Me ndërmjetësimin e BE-së, kryeministri i Kosovës Albin Kurti dhe presidenti i Serbisë, Aleksandër Vuçiç kanë filluar takimin e nivelit të lartë në Bruksel.

Komisioni Evropian ka publikuar në  faqen zyrtare disa fotografi para takimit, ku pjesëmarrës janë edhe shefi I politikës së jashtme Josep Borell dhe Emisari i BE-së, Miroslav Lajçak.

Së bashku me Kurtin në takim është i pranishëm edhe zëvendëskryeministri Besnik Bislimi, ndërsa  Vuçiç është i shoqëruar nga ministri i jashtëm, Nikola Selakoviç.

Përfaqësuesi i Lartë i Bashkimit Evropian për Politika të Jashtme dhe Politika të Sigurisë, Josep Borrell ka folur në një konferencë për media para takimit që do të mbahet me ndërmjetësimin e BE-së në mes të kryeministrit të Kosovës, Albin Kurtit dhe presidentit serb, Aleksandër Vuçiç.

Borrell ka deklaruar se në takimin e sotëm i pranishëm do të jetë edhe emisari i BE-së, Miroslav Lajçak, derisa, takimin Kurti-Vuçiç e ka lidhur edhe me vizitën e presidentit amerikan në Bruksel.

“Sot, së bashku me përfaqësuesin e posaçëm të Bashkimit Evropian, Miroslav Lajçak, ne do të mbajmë një takim të ri të nivelit të lartë të dialogut mes Beogradit dhe Prishtinës. Mua më vjen mirë që kjo po ndodh në të njëjtën kohë kur Bashkimi Evropian do të takohet me presidentin Biden, këtu në Bruksel”, ka deklaruar Borrell.


Lajmi kryesor:

Përfundon takimi i parë Kurti-Vuçiç! Përplasje dhe tensione mes liderëve, Kryeministri i Kosovës: Ja 4 propozimet që bëra! Presidenti serb: Albini më pyeti kur do njohësh Kosovën?


/J.GJ./Shqiptarja.com
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri (EMRI)

Theu masën e arrestit të shtëpisë, shpallet në kërkim 47 vjeçari nga Fieri (EMRI)

5 Nëntor, 13:13