Bruksel, takim mes Greqisë dhe kreditorëve për vlerësimin e reformave në vend

 /ATSH-AFP/ - Një takim mes Athinës dhe kreditorëve ndërkombëtare do të zhvillohet nesër në Bruksel për të vlerësuar reformat në vend, para një takimi të rëndësishëm të zonës euro një javë më pas.
"Grupi i Brukselit do të mblidhet nesër pasdite", theksoi Mina Andreeva, një zëdhënëse e ekzekutivit evropian, një javë para takimit jozyrtar të Eurogrupit që do të zhvillohet më 24 prill në Riga dhe do të jetë rasti për të vlerësuar avancimin e negociatave mes Greqisë dhe kreditorëve.
Grupi i Brukselit është i përbërë nga përfaqësues të qeverisë greke, Komisionit Evropian, Bankës Qendrore Evropiane (BQE), Mekanizmit Evropian të Stabilitetit (MES) dhe Fondit Monetar Ndërkombëtar (FMN).