TIRANE- Sipas një raporti tremujor të Direktoratit Ekonomiko-Financiar të Komisionit Evropian mbi vendet kandidate dhe në proces afrimi me BE, në vendin tonë tre muajte parë të këtij viti kanë ndodhur disa procese me impakt të ndryshëm. Kështu psh, zgjedhja e guvernatorit të ri të Bankës qendrore Gent Sejko në 5 shkurt i dha fund një periudhe pasigurie, pas zbulimit të vjedhjes së parave nga thesari i BSH nga një ish-punonjës i saj dhe largimit, në shtator të vitit të kaluar, të guvernatorit Fullani, që kishte shërbyer për një kohë të gjatë në këtë post.