POP 5

Lajmet më të lexuara të 5 minutave të fundit

Ekonomi

BSH: Bien me 36 % investimet
e huaja, remitancat 2% më pak

Ndryshe nga sa deklaroi kryeministri Berisha në takimin e fundit që zhvilloi me investitorë të huaj në Tiranë, investimet e huaja direkte janë në rënie, me një ulje 36% në shkallë vjetore në tremujorin e 4-t 2012.
TIRANE - Pas një fillimi të mbarë në pjesën e parë të vitit të kaluar, investimet e huaja direkte kanë shënuar një tkurrje në muajt në vijim të 2012-ës, sidomos në tremujorin e fundit, sipas të dhënave më të fundit të bilancit të pagesave të Bankës së Shqipërisë.

Sipas statistikave, në tremujorin e fundit të vitit, investimet e huaja ranë me 36% në krahasim me të njëjtën periudhë të vitit të kaluar (nga 288 milionë euro, në 184 milionë euro), pasi kishin qëndruar pothuajse të pandryshuara në tremujorin e tretë të vitit.

Rritje e ndjeshme e investimeve të huaja u konstatua vetëm në tremujorin e parë të 2012-s në raport me të njëjtën periudhë të vitit të kaluar, me pothuajse trefishim, nga 85 milionë euro, në 206 milionë euro, por, në fakt, ky rezultat ishte pasojë e nivelit shumë të ulët të investimeve në tremujorin e parë 2011, si rrjedhojë e tërheqjes së investitorëve nga trazirat politike të 21 janarit 2011.

Në total, investimet e huaja direkte për gjithë vitin 2012 arritën në 746 milionë euro, duke qëndruar në të njëjtin nivel si në vitin 2011. Kjo përgënjeshtron atë çka u ka paraqitur pak ditë më parë kryeministri investitorëve të huaj, në një takim në mjediset e Coca Cola-s, ku u fol për rritje të vazhdueshme, edhe në kohë krize.

REMITANCAT

Ndërkohë, paratë që emigrantët nga jashtë vendit dërgojnë në shtëpitë e tyre kanë arritur në 2012-n në nivelin më të ulët të dekadës së fundit, gjithnjë sipas të dhënave të publikuara nga bilanci i pagesave i Bankës së Shqipërisë. Sipas treguesve zyrtarë, remitancat arritën në vlerë absolute në 680 milionë euro, me një rënie prej gati 2 përqindësh në krahasim me një vit më parë.

Përgjatë tremujorëve, konstatohet që, në raport me periudhat përkatëse të një viti më parë, ka pasur rënie në tremujorin e dytë dhe të tretë, ndërkohë që në tre muajt e fundit të vitit situata është përmirësuar.

Niveli më i lartë i remitancave në vlerë absolute është shënuar në 2008-n dhe, më pas, me fillimin e krizës ekonomike globale, është shënuar vazhdimisht tkurrje e tyre.

Kriza ekonomike dhe më pas ajo e borxheve ka prekur ndjeshëm dy fqinjët tanë, ku jetojnë e punojnë pjesa më e madhe e shqiptarëve: Italinë dhe Greqinë. Një pjesë e konsiderueshme e individëve apo familjeve që jetonin e punonin në Greqi janë kthyer në atdhe. Sipas burimeve të ministrisë së Punës, numri i tyrë është rreth 40 mijë vetë.

Shkrimi u botua sot në gazetën Shqiptarja.com (print) .02.04.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49