BSH, Gent Sejko: Shqipëria me rritje ekonomike 4.4% në 2018, trendi pozitiv vijon

BSH, Gent Sejko: Shqipëria me rritje ekonomike 4.4% në 2018, trendi pozitiv vijon

Gent Sejko, Guvernatori i Bankës së Shqipërisë

Trendi i rritjes ekonomike dhe zhvillimet pozitive i kanë “diktuar” Këshillit Mbikëqyrës të Bankës së Shqipërisë, të mbajë të pandryshuar normën bazë të interesit për lekun në nivelin 1%. Guvernatori i Bankës së Shqipërisë, Gent Sejko në konferencën e së mërkurës me medien tha se, ekonomia ka ruajtur trendin e rritjes edhe gjatë 3-mujorit të katërt të vitit të kaluar ndërsa leku vijoi të mbiçmohet edhe në fillim të këtij viti.

“Efekti i mbiçmimit të lekut do të jetë i pranishëm edhe gjatë 6 muajve të parë të 2019, por do të shuhet në pjesën e dytë të vitit”, deklaroi Guvernatori, pas mbledhjes së Këshillit të Mbikëqyrjes, ky njoftoi se norma bazë e interesit mbetet e pandryshuar. Sejko konfirmoi se, kërkesa agregate po rritet, duke sjellë rritjen e prodhimit dhe punësimit, teksa politika monetare po jep kontribut pozitiv.

“Gjatë tre mujorit të tretë të vitit 2018-të rritja ekonomike ka qenë 4,45 %, e ndikuar nga rritja e eksporteve dhe prodhimit të energjisë elektrike”, tha Guvernatori. Ndërsa sqaroi se “ekonomia ka vijuar të rritet edhe gjatë tremujorit të 4 ndoshta edhe pse me një rritje pak më të ngadaltë”.

Presionet e brendshme dhe të jashtme inflacioniste po shkojnë drejt ekuilibrimit. Normat e interesit të kredive mbeten në nivelet më të ulëta historike, kursi i këmbimit ka qenë i qëndrueshëm gjatë muajit janar. Ai veçoi faktin që kredia me probleme u ul në nivelin 11%.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet