POP 5

Lajmet më të lexuara të 5 minutave të fundit

Ekonomi

BSH/ Kreditë me probleme u ulën në 5.24% në shtator, por në raport me vitin 2022 janë në rritje

Kreditë me probleme në muajin shtator janë ulur në raport me muajin gusht të këtij viti, por në raport me vitin e kaluar huatë e këqija janë më të larta. Shkaku kryesor se pse kreditë me probleme janë rritur lidhet me inflacionin e lartë dhe rritjen e vazhdueshme të normës bazë të interesit nga Banka e Shqipërisë.

Kreditë problematike u ulën në muajin shtator pas një rritje që pësuan në muajin gusht duke kapur shifrat e qershorit të vitit të kaluar. Referuar të dhënave të Bankës së Shqipërisë huatë e këqija në shtator zbritën në 5.24% nga 5.30% që ishin në shtator.

Edhe pse kreditë e këqija po ulen, përsëri ato janë mbi rezultatin e fundit të vitit të kaluar. Në raport me shtatorin e vitit të kaluar, kreditë me probleme janë 0.2% më të larta.

Një nga shkaqet kryesore të rritjes të lehtë të kredive me probleme në raport me vitin e kaluar është inflacioni i lartë që vazhdon prej rreth 2 vitesh, i cili ka sjellë rritje të shpenzimeve të familjeve. Kjo situatë ul edhe aftësinë paguese jo vetëm të familjeve por edhe të bizneseve për të shlyer kreditë.

Ndikim në këtë nivel të kredive me probleme, ka dhënë edhe rritja e vazhdueshme e normës bazë të interesit nga Banka e Shqipërisë me synim kthimin e shpejtë të inflacionit në objektiv.

“Raporti i kredive me probleme është shfaqur përgjithësisht i qëndrueshëm. Pritet që rritja e normave të interesit të ketë një efekt negativ në cilësinë e kredisë në afatin e mesëm, por ky efekt vlerësohet të jetë në vlera të moderuara”, vlerëson banka qendrore në raportin e Stabilitetit Financiar të gjashtëmujorit të parë të vitit.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46