POP 5

Lajmet më të lexuara të 5 minutave të fundit

Ekonomi

BSH: Qeveria nuk duhet të ulë vigjilencën ndaj inflacionit! Rishikoni skemën e pensioneve, ka kosto për buxhetin

Banka e Shqipërisë i sugjeron qeverisë të mos ulë vigjilencën ndaj inflacionit, pasi mbetet rreziku kryesor edhe për ecurinë ekonomike të vitit që vjen. Guvernatori Gent Sejko tha se buxheti i vitit 2024 është realist, por duhet të rishikohet skema e pensioneve.

TIRANE- Edhe pse në rënie në muajit e fundit inflacioni është sfida kryesore e ekonomisë edhe për vitin që vjen. I pranishëm në Komisionin e Ekonomisë Guvernatori i Bankës së Shqipërisë Gent Sejko, tha se prioritet i politikave fiskale duhet të jenë çmimet, pasi ato po gërryejnë fuqinë blerëse të familjeve.

“Nivelet e larta të inflacionit kanë qenë dhe mbeten sfida prioritare e politikave tona ekonomike. Ne vazhdojmë të sugjerojmë hartimin e planeve të kontigjencës, për të përballuar ndikimin e mundshëm negativ, që goditje të paparashikuara mund të kenë në realizimin e të ardhurave. Këto plane kontigjence duhet të synojnë – në çdo rast – respektimin e kufijve të miratuar të deficitit buxhetor dhe ruajtjen e trajektores rënëse të borxhit publik.”, tha Sejko.

Teksa e vlerëson realist projektbuxhetin e vitit 2024 për nevojat që ka vendi, Sejko ngriti në komision shqetësimin për deficitin e lartë që po shkakton skema e pensioneve, ku kontributet nuk mbulojnë dot shpenzimet për pensione.

“Banka e Shqipërisë sugjeron rishikimin periodik të kuadrit ligjor që rregullon skemën e pensioneve, atë të sigurimeve shëndetësore dhe skemat e tjera të sigurimeve sociale. Po ashtu, ne inkurajojmë intensifikimin e përpjekjeve për zhvillimin e shtyllës së dytë e të tretë të sistemit privat të pensioneve, atë të sigurimit të detyrueshëm dhe vullnetar”, tha Sejko.

Banka e Shqipërisë sugjeron ndërtimin e një plani për të rritur nivelin e të ardhurave, si dhe kërkon efikasitet në shpenzi9me dhe shpërndarje më të mirë të investimeve publike.  Një tjetër rekomandim i dhënë ishte për koncesionet për një monitorim më të mirë për të ulur çdo rrezik që mund të vij prej tyre.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Përfitojnë 177 mijë pensionistë në Tiranë/ Nis aplikimi i të moshuarve për abone falas

Përfitojnë 177 mijë pensionistë në Tiranë/ Nis aplikimi i të moshuarve për abone falas

18 Dhjetor, 17:49