POP 5

Lajmet më të lexuara të 5 minutave të fundit

Ekonomi

BSH: Sektorët kryesorë të ekonomisë janë në tranzicion! Sejko: Sfidë, digjitalizimi i parasë e inteligjenca artificiale! Tregjet e punës në presion nga emigracioni

Sektorët kryesorë të ekonomisë janë në tranzicion pranon Guvernatori i Bankës së Shqipërisë Gent Sejko në uorkshopin për kërkimet ekonomike. Sipas tij shtimi i tensioneve gjeopolitike, emigracionit, digjitalizimit të parasë dhe inteligjencës artificiale janë kthyer në sfidë serioze, kurse pasojat negative reflektohet në zinxhirët e prodhimit, tregun e punës dhe stabilitetin e çmimeve

Sektorët kryesorë të ekonomisë po ndryshojnë pas krizave të njëpasnjëshme, nga pandemia, lufta e deri tek inflacioni.

Përveç inflacionit e tensioneve gjeopolitike, Guvernatori i Bankës së Shqipërisë ndër sfidat kryesore liston edhe inteligjencën artificiale e digjitalizimin.

“Shoqëritë, ekonomitë dhe sistemet tona financiare janë nën presion nga burime të ndryshme: luftërat, tensionet gjeopolitike në rritje, ndryshimet demografike, përshkallëzimi i ngjarjeve ekstreme klimatike, inteligjenca artificiale dhe digjitalizimi i financave e parasë. Këto sfida kanë shkaktuar pasoja negative në zinxhirët e prodhimit dhe të furnizimit, kanë ndikuar tregjet e punës dhe kanë nxitur ndryshime strukturore të cilat kanë ndikuar produktivitetin, kostot, stabilitetin e çmimeve, si dhe stabilitetin e përgjithshëm makroekonomik e financiar”, pohon Sejko

Guvernatori vlerëson se ky tranzicion ku disa fusha po zëvendësojnë sektorët tradicional të ekonomisë po rrit presionin ndaj tregjeve të punës.

“Rezultat i këtij tranzicioni janë: aktiviteti ekonomik i përshpejtuar, pozicioni i përmirësuar i sektorit të jashtëm dhe qëndrueshmëria e rritur. Megjithatë, ky tranzicion ushtron presion edhe mbi tregjet e punës tashmë të prekura nga emigracioni”, tha Sejko.

Në fjalën e tij në nisje të punimeve të Uorkshop-i XVII të Kërkimeve Ekonomike të Evropës Juglindore, guvernatori pohoi edhe një herë qasjen e bankës qendrore për të vijuar me rritjen e normës bazë të interesit nëse inflacioni nuk ulet siç është parashikuar.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça