Ekonomia e vendit po performon në mënyrë pozitive thotë Guvernatori i Bankës së Shqipërisë Gent Sejko në një takim me gazetarë e përfaqësues të mediave, por thekson se sfidë vijon të jetë inflacioni i lartë.
“Aktiviteti ekonomik ka ardhur në rritje, duke mundësuar rritje të punësimit e të pagave dhe përmirësim të gjendjes financiare të bizneseve. Paralelisht me të, borxhi publik dhe borxhi i huaj i ekonomisë shqiptare kanë pësuar rënie, ndërkohë që kursi i këmbimit të lekut ndaj monedhave të huaja është forcuar dhe treguesi i kredive me probleme mbetet në nivele të ulëta. Dua të theksoj se gjendja e përgjithshme financiare e sektorit bankar paraqitet e shëndetshme, duke garantuar kështu një burim të rëndësishëm për financimin e aktivitetit ekonomik në vitet në vijim”, tha Sejko.
Guvernatori thekson se banka mbetet e angazhuar për të vazhduar me rritje të normës bazë të interesit me qëllim mbajtjen në kontroll të inflacionit.
“Inflacioni ka vijuar të shënojë rënie gjatë tremujorit të tretë të vitit, duke shënuar një vlerë mesatare prej 4.1%. Megjithatë, duke vlerësuar presionet e brendshme inflacioniste si relativisht të forta, Banka e Shqipërisë vendosi të vijojë procesin e normalizimit të qëndrimit të politikës monetare, duke rritur normën bazë të interesit në nivelin 3.25%. Siç e kemi theksuar edhe më herët, nëpërmjet kësaj rritjeje synojmë kthimin e inflacionit në objektiv, në një kohë të arsyeshme dhe me kosto sa më të ulëta për ekonominë”, pohoi guvernatori.
Mbrojtja e familjeve dhe kthimi i inflacionit në objektiv brenda vitit të ardhshëm, do të jenë në fokus të qëndrimeve të politikës monetare, tha Sejko për mediat.
“Parashikimet tona për të ardhmen mbeten në territor pozitiv. Mbështetur në ecurinë e favorshme të zhvillimeve ekonomike në vend si dhe në reagimin e politikës sonë monetare, ne parashikojmë që ekonomia shqiptare do të vazhdojë të rritet më tej gjatë viteve në vijim. Në përputhje me këto pritshmëri, reagimi i politikës monetare do të synojë që kjo rritje të mos përkthehet në inflacion, duke mbrojtur fuqinë blerëse të familjeve shqiptare dhe duke ndihmuar shëndetin e përgjithshëm financiar të ekonomisë. Siç e kam theksuar edhe më parë, politika monetare do të vijojë të ruajë rolin e saj esencial për rritjen e mirëqenies së përgjithshme të shoqërisë shqiptare, nëpërmjet garantimit të stabilitetit të çmimeve dhe fuqizimit të shëndetit financiar të ekonomisë”, tha guvernatori.
Gjatë takimit vlerësuan edhe tre punime diplome me ccmime. Me çmimin e parë u vlerësua Aurora Kapo, studente në Universitetin VanAmsterdam, Hollandë me temën e diplomës: “Narrative economics: Central Bank Communication and Inflation Expectations”. Me çmimin e dytë u vlerësua z. Virjosin Stafasani, me temën “The relationship betëeen Market Efficiency, Expected Return and Volatility in the Stock Market“ nga Universiteti i Greenëich, Angli. Dhe me çmimin e tretë u vlerësua zj. Krista Kozmai, studente pranë Universitetit Europian të Tiranës, me temën: “ Frika” nga kursi i lirë i këmbimit, rasti i Shqipërisë”.
Komente
Lajme të tjera
-
Rritet lehtë edhe inflacioni bazë, në nëntor arriti në 2.34%
24 Dhjetor, 14:28 -
Transfertat në SEPA, data më e afërt për bankat shqiptare është 5 tetori 2025
20 Dhjetor, 10:58 -
Dhjetë thasë me para konvertohen në 1 dollar, inflacion rekord në Siri
19 Dhjetor, 15:10 -
BSH mbyll 2024 me normën bazë interesi 2.75%! Sejko: Kemi blerë euro për të stabilizuar kursin e këmbimit! Ka rritje punësimi
18 Dhjetor, 16:42
-
BSH, 3 çmimet për diplomat më të mira ekonomike! Sejko: Rënia e inflacionit uli kostot për familjet e bizneset
16 Dhjetor, 17:28
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Më shumë emigrantë dhe familje më në vështirësi në Shqipëri, në 9 muaj 772 mln € erdhën si remitanca
12 Dhjetor, 17:02
-
Shqipëria 1.1 mld € investime të huaja në 9 muaj, preferohen pasuritë e paluajtshme! 56 mln € më shumë krahasuar me 2023
12 Dhjetor, 16:02
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
Rritja e çmimeve, ekspertja në Report Tv: Produktet bujqësore 11 herë më shtrenjtë se inflacioni! Po prodhojmë pak qumësht, rrushi është bërë luks
10 Dhjetor, 13:36 -
FMN apel Bankës Qendrore: Kujdes me kreditimin e pasurive të paluajtshme! Eksperti: Krizat më të mëdha nisin nga ‘flluskat’ në këtë sektor
7 Dhjetor, 16:19
-
Miliona euro përfitime nga anëtarësimi në SEPA, Sejko thirrje bankave: Plotësoni kushtet që të bëheni pjesë e sistemit evropian, investoni në inovacion
5 Dhjetor, 14:22
Pozitive per nje pjese!!!!
Përgjigju