Receta

Bugaçe e ëmbël nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 26 Prill 2022, 11:44 | Përditesimi: 26 Prill 2022, 11:45

Bugaçe e ëmbël

Përbërësit:

270 gr sheqer

LEXO EDHE:
Pulë me oriz në furrë nga zonja Albana

4 vezë të plota

2 të verdha vezësh

400 ml qumësht

400 ml pana

1 lç vanilje

1 lç fryrës

1 majë luge kripë

150 gr gjalpë

1 lç kanellë

450 gr peta

Sheqer pluhur për servirje

Përgatitja:

Fillimisht ngrohim furrën në temperaturën 200 gradë Celsius.

Tresim gjalpin dhe lyejmë tepsinë nga të gjitha anët. Vendosim 2 petë si bazë dhe më pas petët e tjera i lyejmë me gjalpë dhe i vendosim duke i palosur për së gjati. Pjesën e mbetur të gjalpit e hedhim mbi petët dhe i vendosim të piqen në furrë për 20-25 minuta.

Ndërkohë në një tas rrahim vezët (4 vezë të plota dhe 2 te verdha) me sheqerin. Pasi sheqeri të tretet shtojmë vaniljen, fryrësin, qumështin dhe panën. E trazojmë mirë dhe këtë masë e hedhim me garuzhde mbi petët e pjekura. E spërkasim sipërfaqen me pak sheqer kaf dhe e vendosim dhe njëherë në furrë për 25 minuta. Në fund e spërkasim me sheqer pluhur dhe kanellë.

MC/Shqiptarja.com

TAG: