Receta

Bukë me ullinj dhe speca të kuq nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 9 Dhjetor 2022, 12:43 | Përditesimi: 9 Dhjetor 2022, 12:44

Bukë me ullinj dhe speca të kuq

Përbërësit:

2 e ½ gota miell
1 e ½ lç maja e thatë
1 lç sheqer
1 lç kripë
Ullinj pa bërthamë
Speca gogozhare
Salçiçe pule

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Fillimisht tresim majanë e thatë në pak ujë të vakët ku shtojmë 1 lugë të vogël sheqer dhe 1 lugë miell. E lemë majanë të aktivizohet për disa minuta dhe më pas e shtojmë tek mielli ku kemi hedhur dhe një majë luge kripë. Shtojmë ujë derisa të realizohet një brumë i butë dhe pak ngjitës. Tek brumi shtojmë ullinjtë të prerë në feta, salçiçet e pulës të grira ose të prera në copëza të vogla, gjithashtu dhe specat gogozhare. E punojmë përsëri brumin e bukës, e lyejmë më pak vaj ulliri dhe e lemë të vijë për rreth 1 orë. Më pas e ripunojmë përsëri, e vendosim në një tepsi me letër pjekje në furrë në temperaturën 180 gradë Celsius për 40-45 minuta.