Receta

Bukë misri në ajkë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 5 Tetor 2022, 11:28 | Përditesimi: 5 Tetor 2022, 11:29

Bukë misri në ajkë

Përbërësit:

1 kg miell misri
700 ml ujë të ngrohtë
3 lgj vaj luledielli
1 lgj kripë

Për ajkën:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

10 lgj kos
5 lgj ajkë kosi / qumështi
2-3 thelpinj hudhër

Përgatitja:

Në një enë të pastër vendosim miellin e misrit me vajin e lulediellit. Shtojmë ujin e ngrohtë (aq sa t’a durojë gishti i vogël i dorës) kripën dhe e trazojmë brumin e bukës derisa të lidhet.

Lyejmë një tavë me vaj dhe vendosim brumin, e nivelojmë dhe lyejmë sipërfaqen e brumit me pak vaj. E vendosim tavën në furrë të parangrohur në temperaturën 180 gradë Celsius për 40 minuta.

Në një tas vendosim kosin, ajkën e qumështit, kripën dhe hudhrat. Bukën e misrit e presim në feta të vogla dhe fetat i zhysim në masën e kosit që kemi përgatitur.