Receta

Bukë misri në salcë kosi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 27 Janar 2023, 12:40 | Përditesimi: 27 Janar 2023, 12:41

Bukë misri në salcë kosi

Përbërësit:

Për bukën e misrit:

LEXO EDHE:
Pulë me oriz në furrë nga zonja Albana

1 kg miell misri
1 litër ujë të vakët
1 ls kripë

Për salcën e kosit:

5 lgj salcë kosi
5 lgj ajkë
4 thelpinj hudhër
Kripë, piper i kuq

Përgatitja:

Përziejmë të gjithë përbërësit e bukës së misrit: miell, ujë dhe kripë. Masën e brumit e vendosim në një tavë, e nivelojmë mirë dhe e vendosim të piqet në furrë të nxehtë në temperaturën 200 gradë Celsius për 45 minuta.

Salcën e kosit e përziejmë me ajkën ose në mungesë shtojmë qumësht, kripë, piper të kuq dhe vaj ulliri. Masën e salcës e vendosim në frigorifer dhe pasi buka të jetë pjekur e servirim ashtu të ngrohtë siç është me salcë sipër.