POP 5

Lajmet më të lexuara të 5 minutave të fundit

Kronikë

Bulevardi Tiranës/ Banorët përplasen
me policinë, nis shembja e banesave

Nis shembja e banesave të dhjetëra familjeve që preken nga projekti nga ndërtimi i bulevardit të ri në Tiranë. Para nisjes së këtij procesi, përplasjet mes banorëve dhe punonjës të Inspektoratit ndërtimor Urbanistik Vendor e uniformave blu kanë qenë mjaft problematike.  VIDEO
TIRANË- Nis shembja e banesave të dhjetëra familjeve që preken nga projekti nga ndërtimi i bulevardit të ri në Tiranë. Para nisjes së këtij procesi, përplasjet mes banorëve dhe punonjës të Inspektoratit ndërtimor Urbanistik Vendor e uniformave blu kanë qenë mjaft problematike.

Ata refuzojnë masën e kompensimit që i është caktuar me vendim qeverie dhe deklarojnë se nuk do të lirojnë banesat pa u strehuar më parë. Rreth 200 banorë të Stacionit të Trenit kanë refuzuar me forcë daljen nga banesat. Përplajsa ka arritur kulmin në momentin kur fadromat kanë mbërritur pranë shtëpive të tyre.

protesta te blv tr

Policia tentoi të shoqërojë njërin prej banorëve, por familjarët dhe fqinjët e tij i'u sulën policisë për ta ndaluar. 

“Jemi autoktonë tiranas, të vijën këtu të hipotekojnë e t’i thonë e gëzoni shtëpinë që keni vjedhur, e ne që jemi autoktonë dem baba dem të na nxjerrin, të vijë këtu të na shpronësojë, të na marrë shtëpi. të na gjejnë shtëpi të futemi brenda. Donte votat kryetari i bashkisë tani duhet të përgjigjet për popullin. E merr tjetrin zvarrë e fut në furgon,” shprehet një nga banorët. 

proteste shtepite

Ndërsa të tjerë thonë se kompensimet që kanë marrë, janë shumë të ulta në krahasim me vlerën e tregut. Situata ka qenë shumë e rënduar, ku një pjesë e banorëve, burra dhe gra janë parë duke qarë me frikën se do të mbeten pa shtëpi.

proteste shtepite

Një kryefamiljar është shoqëruar në polici pas rezistencës ndaj policisë, ndërkohë që në banesën e tij policia ka nisur të nxjerrë jashtë orenditë shtëpiake. Po ashtu pranë banorëve mësohet se ka mbërritur dhe një autoambulancë.

proteste shtepite

Banorët e zonës thanë se u duket qesharak dëmshpërblimi prej 265 mijë lekë për metër katror për banesat dhe 179 mijë lekë për bizneset.


proteste shtepite

Nga gjurma e projektit të Bulevardit të Ri që duhet të përfundojë në 2017, preken 200 objekte.
protesta te blv tr

Fondi prej 12.5 milion lekëve dhe masa kompensimit janë përcaktuar me vendim nga qeveria Berisha dhe propozim të kryebashkiakut Basha.
 
protesta te blv tr

Edhe më herët banorët kanë protestuar për këtë kauzë. 

protesta bul tr

Ndërsa më pas fadromat kanë prishur dhe godinën e ish Stacionit të Trenit.

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54